دلوقت تقدر تقدم على
الشغال في جوجل Google وابل Apple واي بي ام IBMوكذا
شركة تانين من غير ما يكون معك شهاده جامعيه انا عارف ان الموضوع ممكن يكون شبه
الاعلان بتاع اكسب 10,000 جنيه وانت قاعد في بيتك من غير ما تعمل اي حاجه.
بس الحقيقه ان الخبر بتاع جوجل والكلام ده صح حرفيا يعني تقدر تقدم على شغل في جوجل Google وابل Apple واي بي ام IBMوستاربكس Starbucks وشركات كثير ومش من متطلبات التقديم على الشغل ده ان يكون معاك شهاده جامعيه
انت مش متخيل الموضوع
ده مهم قد ايه ويعني هيخلينا نتكلم في تفاصيل اكثر يعني عن الموضوع ده يلا بينا
رؤيتنا بخصوص التعليم
السلام عليكم ايه
الاخبار
الحقيقة احنا ليه
مهتمين بالخبر ده؟
الخبر ده مهم جدا
وفرحنا جدا جدا جدا والسبب ان حاجه زي دي بتتوافق مع
رؤيتنا بخصوص التعليم
ان هو مش مهم انت اتعلمت الحاجه فين المهم انت اتعلمتها بتعرف تعمل الشغلانه دي مش
هاقول لك بقى هو انت تعلمت فين؟
يعني ده فعلا الي احنا مؤمنين به او اللي انا
مؤمن بيه اللي هو اهم حاجه انك بتعرف تعمل الحاجه مش مهم مش لازم شهاده تثبت لي ان
انت اتعلمت عمايل الحاجه ديت في المكان الفلاني مش مهم الاصل في الموضوع هو المهاره
مش الشهاده وبتقابل ناس كثيره جدا منكم معاهم شهادات تثبت ان هم خريجين من المجال
الفلاني لكن هو بيتعلم الشغل لما يبدا يشتغل وأظن ده حالنا جميعا في مصر عامه يعني
ان انت خلاص معاك الشهاده بس لسه هتطلع تتعلم الشغل.
مصدر الخبر
احنا قرأنا الخبر المفرح ده في مقال على موقع كيو
زي QUARTZ اللي هو نشر عن موقع GLASSDOOR ودي مواقع مهتمة بالكرير والتوظيف يعني لو مثلا شركه عايزه توظف
او لو انت عايز تقدم على شغل في جوجل ممكن تخش على موقع GLASSDOOR شوف اي متطلبات الوظيفه و تقدم من خلال الموقع تمام
موقع كيو زي QUARTZ كاتب: مش
مهمم اذا كنت انت اساسا رحت الجامعه اولا والخبر على موقع GLASSDOOR يعني مش لازم ان تكون معك حاجه عشان تقدم فيهم
خبر زي ده لو صادر عن
عم ابراهيم صاحب محل البقاله اللي جنبنا غير لما شركات جوجل Google وابل Apple واي بي ام IBMيقولوا الكلام ده الناس دي ما بتقولش اي كلام يعني القرارات دي مش
اعتباطيه
الرؤية المستقبلية في التوظيف
فكره كمان ان الناس
بتستنكر ازاي ان في شركات كثيره لسه حاطه الشهاده الجامعيه من متطلبات التقديم في
الوظيفه عندها يعني المفروض ان دي خلاص حاجه لم تعد ضروريه خالص في ظل الوقت اللي
احنا عايشين فيه دلوقتي
طبعا ده مش معناه ان
الدراسه الاكاديميه لم يعد لها قيمة او لا يتم اخذها في الاعتبارعند تقييم الناس وفلترتهم
والكلام ده كله. لأ، يتم اخذها في الاعتبار وجدا كمان
بس الفكره ان عدم
وجود شهاده جامعيه معاك لم يعد حاجز عن التقديم. يعني قبل كدا علشان تقدم اصلا لازم
يكون في شهادة جامعية لكن دلوقتي عندك فرصة تقدم حتى لو مش معك شهاده ويتم عمل
انترفيو معاك مثلا او حاجه زي كده ولو فعلا انت كفء او لو عندك المهاره ديه تقدر
تشتغل في الشركات ديه
يعني لو في اثنين متقدمين لوظيفه معينه واحد معه
شهاده جامعيه درس فعلا اربع سنين في التخصص ده وعنده المتطلبات الي الوظيفه دي طلباها
واحد ثاني كان شغال حاجه بعيده خالص اساسا عن الوظيفه المطلوبه ديه ولكن بطريقة ما
اتعلمها يعني تعلم ذاتي او اتعلمها اونلاين او على كورسيرا او حتى يوتيوب بس عنده
المهارات اللي تأهلوا لحاجه زي دي يقدر يقدم والمفروض يعني نظريا كده الاثنين تكون
فرصهم متساويه ليه لان في الاخر اللي بيحكم الموضوع هو المهاره مش الشهاده
الخلاصة
عشان حاسس ان
انت زهقت من الموضوع لو انت دلوقتي دخلت اي كليه غير الكليه اللي كان نفسك تدخلها
او بتدرس حاجه انت مش حببها واهتمامك حاجه ثانيه خالص فانت تقدر فى فتره الكليه
انك تتعلم و تطور نفسك في الحاجه اللي بتحبها علشان ان شاء الله لما تتخرج هيكون
قدامك فرصة التقديم في شركات في الحاجه دي تقديم في شركات بعيدا خالص عن دراستك
والشهاده مش هتكون حاجة ضروريه هتقدر تروح ولو فعلا عندك الكفائة الوظيفه دي هتتقبل
تمام من غير اي شهادة اكاديميه
انتم مش متخيلين اهميه الموضوع يعني الموضوع
عظيم قد ايه كمان انت بمجرد انك اشتغلت في احد الشركات ديه بعد كده لو حابه تشتغل
في شركه ثانيه شغلك الشركه دي هيكون اقوى 100 مره من الشهاده الجامعيه اللي انت
هتاخدها يعني الموضوع عظيم
فشكرا جوجل Google وابل Apple واي بي ام IBMوستاربكس Starbucks على كل الحاجات الجميله اللي هم بيعملوها بجد
يعني الناس ديه بتساعد البشريه انها تكون
احسن خاصه في المجتمعات الي الى حد ما لسى التفكير فيها ضيق بخصوص الشهادات زي
عندنا كدا
يعني تقدر تقول كده
ان ديه خطوه لقدام ان كل واحد يشتغل الحاجه اللي هو بيحبها لو هو فعلا كويس فيها
من غير ما يتطلب منه حاجه تاني خالص يعني ده ملخص الموضوع
إرسال تعليق