تقليل الإغتراب

 

لايخفى على احد ان فترة الثانوية من أصعب الفترات اللي ممكن تمر عليك في مشوار تعليمك وعلشان كده دول سبع نصائح هيسهلوا عليك الموضوع جدا انشاء الله

 السلام عليكم ايه الاخبار للناس اللي لسه داخلين ثانوية عامة السنة دي خليني ابداء على طول 

اول وصية حول المذاكرة لعادة

 يعني السر كله في الكلمه دي العاده، معظمنا ممكن يكون جاي من السنين اللي فاتت في التعليم ان هو بيذاكر بس وقت الامتحان وبيعدي ومفيش اي مشكلة ده المعظم، لكن السنة دي ما ينفعش انك تعتمد على النظام ده لان الموضوع مش هتشد حيلك شهر ولا حاجه و تزنق نفسك وتلم الدنيا.

 لأ الثانويه العامه مرثون مش سباق سرعة فانت لازم تكون عامل حساب الفترة الطويلة، وعلشان تتجنب المشاكل اللي بتحصل في الفتره الطويله دي اللي هو ان انت بتتشجع شويه علشان تذاكر وبتقعد تأنب نفسك كده فتبدا تذاكر شويه حلوين وبعدين تريح فتره كويسه وبعدين تبدأ تاني تأنب نفسك في دائرة مغلقة والمحصلة في النهاية ان ما فيش فعلا انجاز بيتم.

علشان كدا مهم جدا انك تحول المذاكره لعاده الموضوع مش بسهولة او بساطة ان اقولك خد الكبسوله ديه هتظبط الدنيا، لا الموضوع بيحتاج منك شوية معرفة الاول انت محتاج تفهم اصلا ازاي العادات بتتكون وازاي تقدر تكتسب عادة جديده.

ومن هنا اول ترجيح فهو كتاب العادات السبع للمراهقين الاكثر فاعليه لستيفن كوفي الكتاب ده يعني انا مش قادر اوصف قد ايه هو غير في حياتي حاجات كثيره جدا و ساعدني ان انا اذاكر اكثر و اذاكر بجد والموضوع ميكونش ثقيل عليا وساعدني ان انا اغير وجهه نظري لحاجات كثير، الكتاب ده انا قرأته في فترة الثانويه برده.

فأرجح وبشدة لازم تقرأ الكتاب ده في البداية لازم لازم،

والموضوع مايقتصرش بس على قرأة الكتاب ده لازم تطبق اللي انت بتتعلمه الكتاب مهيأ لنا قصدي ليكم اللي هم الشباب اللي في فتره المراهقه، مدعم بقصص وصور وجداول وتمارين هتستمتع جدا بالكتاب يعني قد يبدوا ان الكاتب دفع لي فلوس علشان ارجح الكتاب ده ولكن الكتاب ده رائع لازم تقرأه.

 

ديه اهم نصيحه في السبعة وصايا على فكرة دي اهم نصيحة وخذ بالك من اكتساب عاد المذاكره هيوفر عليك المذاكره الدكاكيني اللي هو كل شويه ذاكر شويه وبعدين تريح ذاكر شويه وبعدين تريح عامل زي اللي بيسوق عربيه بنزين فرامل بنزين فرامل مش هيروح لأي حته، لازم تفهم ازاي احنا بنكتسب عادات جديده اقرا الكتاب ده العادات السبع للمراهقين الاكثر فعاليه.

 النصيحة الثانيه ازاي تحافظ على حماسك

 مشكلة كثير منا برده اللي هو انك بتبدا متحمس جدا هتكسر الدنيا وده هيحصلك لك بعد المقالة ديه انك برده هتتحمس بعد ما تقراء المقالة ولكن بعد يومين الدنيا بتروح خالص ان انت خلاص بتكسل بتريح.

 

خليني اقول لك مش صح انك تعتمد على الحماس فقط او الحقيقه مش صح انك تعتمد على الحماس خالص لان دي حاجه وقتيه وبتيجي على فترات متباعده مش مضمونه لا يعتمد عليها.

 انت محتاج حاجه اقوى حاجه صلبة فعلا تضمنها حاجه وقت ما تحتاج زقة تلاقيها محتاج حاجه احسن من الحماس وهي الاهداف ازاي تحدد اهدافك صح انت محتاج عصا غليظه كل ما تيجي تكسل تفتكرها فتقوم، حرفيا الوضع كده بالضبط لانه كلنا بنكسل كلنا بيجيلنا اوقات مش عايزين نعمل الحاجه دي بس ايه الي بيخليك تقوم وتعمل الحاجه دي هو ده الهدف الذكي.

فخلاصة النقطة دي ازاي تحافظ على حماسك, مش لازم نحافظ على حماسك اصلا لان ده شبه مستحيل, ولكن لازم تحدد اهدافك الاهداف الذكيه, و اتقانك للنقطة الاولى اللي هي بتاعة العادات هيساعد جدا في النقطه دي.

النصيحه الثالثه إتعلم تأخذ استراحة

 يعني يمكن دي حاجه الكل بيغفلها ان انت لازم تستريح يعني الموضوع بقدر اهمية المذاكرة, المذاكرة شيء مهم بس انك تاخذ استراحة شئ اهم يعني اي مكينه في العالم بتحتاج انها تاخذ وقت علشان تبرد, مينفعش انك تاخذ طريق الف كيلو بالعربيه مره واحده لازم توقف العربيه كده تبرد شويه من السخونه اللي بتتولد فيها من قطع المسافات ديه.

انت كذلك انت اولى من العربيه انت محتاج استراحات اكثر وعلشان كده لازم لما تيجي تذاكر مثلا انت هتقعد تذاكر ساعتين متقعدش ساعتين كلهم على بعضهم لازم تقطعهم 25 دقيقة مذاكره وخمس دقائق استراح, تقوم بقى تفرد ظهرك تبص من البلكونه المهم ايه ترفش نفسك كده وترجع ثاني 25 دقيقه او مايعرف بتقنيه البومودورو.

فلازم تقطع جلسات المذاكره يعني المذاكره الناتجة عن 4 جلسات 25 دقيقة افضل وأفيد عشر مرات من ساعتين متواصلين انت في بداية الساعتين بتكون مركز ولكن بعد مرور نصف ساعة كده هتلاقي تركزك تحت الصفر, حرفيا انت بتقرا والكلام مش داخل دماغك اصلا فالتقنية دي من احسن التقنيات اللي ممكن تفيدك في موضوع المذاكرة.

كمان انت محتاج استراحة كبيرة يعني مثلا لازم تحدد يوم في الاسبوع تفصل فيها تمام عن المذاكرة اطلع بره اتفسح زور قرايبك اعمل اي حاجة انت محتاج اليوم ده بجد علشان ترجع الاسبوع الي جاي عندك نشاط اكبر.

وحاول تغير عقلية انك بتبص للاستراحة على انها تقصير لا الاستراحة هي جزء اساسي من منظومه المذاكره حاجه اساسيه من غيرها المذاكره هتفقد قيمتها وهتبقى انت بتقرا الكلام لكن مش فاهم اي حاجه.

النصيحه الرابعه انت محتاج متنفس للضغط

 كثير من الاصدقاء بيقولوا لي ان فتره الثانويه حرفيا دي اصعب فتره عدت عليهم في حياتهم برغم ان انا عصرت مع اصحابي دول فترات صعبه جدا مرو بها الا ان الراسخ في دماغهم ان فتره الثانويه هي الاصعب على الاطلاق.

 انا بالنسبه لي ما كانش الموضوع كده خالص الموضوع كان بالنسبه لي ممتع شويه على فكره وده بسبب مبدا حله الضغط عارفين حله الضغط اللي بتعتمد على مبدا تسويه الاكل عن طريق الضغط اللي بيتولد من البخار الحاجة التي لا يمكن الاستغناء عنه في الحله دي ومن غيرها الحله ممكن تنفجر من الضغط هو خرم في غطاء الحله بيصرف الضغط الذياده.

 انت في فتره الثانويه العامه عامل زي حله الضغط, الثانويه بتولد جواك ضغط من المواد من الاهل من المستقبل ومن المجتمع الدنيا كلها بتضغط عليك بصراحه بس انت محتاج متنفس تطلع منه الضغط ده, محتاج حاجه تطلع القرف ده وما فيش حاجه افضل من الرياضه و بالنسبه للبنات انا عندي حل برده لكم ما تخافوش لو ما عندكوش مكان تتمرنوا افيه. 

رياضه بقى اين كان نوعها انكم مثلا تحجزوا ملعب كوره وتلعبوا, انك بتروح الجيم, بتتمرن مثلا كونغ فو او كاراتيه, بتلعب سباحه ايانا كانت الرياضه اللي انت بتحبها او هتحبها ان شاء الله لما تبدئها في فتره الثانويه.

 فهي شيء اساسي حتى لو  هتجري نصف ساعه كل يوم لو قدرت تحافظ على ده هتقدر تحافظ على صحتك النفسيه لان الرياضه و بزل المجهود يفرز مواد في الجسم بتريحك من المجهود النفسي جرب بجد الموضوع ده اساسي علشان فتره الثانويه بجد ده من الحاجات اللي ساعدتني جدا جدا.

 بالنسبه للبنات لو مفيش جيم قريب منك مخصص للبنات فيه حلول كويسه جدا ممكن تتمرنوا في البيت في تطبيقات كثير جدا ممكن تنزلوها من على النت وتتمرنوا من البيت.

 الوصيه الخامسه جرب تذاكر بعد الفجر

 يعني يمكن اكبر المشاكل على الاطلاق لطلبه الثانويه هي لخبطة الوقت لان الدروس من هنا لهنا وممكن يبقى في مسافات طويله بين مدرس ومدرس.

 انتم بتقدروا حياتكم تقريبا ما بين الدروس انت بترجع اخر اليوم لو عندك  وقت مش بيبقى عندك طاقه انك تذاكر باقي اليوم يادوب بتاكل وتنام وتخش في نفس الدوامه دي ثاني.

علشان كده ما فيش حل بمثاليه انكم تذاكروا بعد الفجر اللي هو قبل المعجنه دي كلها لو انت مش لاقي وقت او لو انت في مشاكل عندك ومشتتاك لو انت مرهق ومكسل ومش عارف تركز الوقت ده خيالي وغريب جدا تحس فيه بركه وربنا فاتح عليك والحاجات سهله جربوها الموضوع يستاهل تجربوه انا عمري ما حسيت بالصفاء الذهني والتركيز زي ما كنت بحسه في الوقت ده.

 

الوصيه السادسة جربوا المذاكره الجماعيه

يمكن دي تبقى فكره غريبه و مستنكره ان احد بيقول لك ذاكروا سوا لان غالبا ينتهي المطاف بالبلاي ستيشن او ان احنا نقعد نحكي ونسيب المذاكره خالص.

 المذاكره الجماعيه ممكن تبقي حل في غايه الروعه لحد ممكن بيكسل او بيسوف ومحتاج احد يشجعوا فإنتم تشجعوا بعض وهتكون فرصه كويسه جدا تكتشف مهارات مذاكره جديده من اصدقائك اللي معاك ممكن تتعلم ازاي تحفظ جزئيه معينه او ان احد يشرح لك جزئيه معينه انت مكنتش عارفها او مثلا انكم تتفقوا ان كل واحد يشرح للثاني جزئيه معينه فهيروح يذاكر علشان المره الجايه هو اللي يشرحها.

وما فيش طريقه افضل لتثبيت المعلومه عندك  زي انك بتذاكرها علشان هتشرحها لحد دماغك في الوقت ده بيشتغل باسلوب ثاني خالص بيساعد على تبسيط المعلومه علشان يشرحها للناس وده بيساعدك  انك تثبتها عندك وماتنساش خالص وفي خير كبير جدا في المذاكره الجماعيه.

ولكن لازم تكون محكومه لازم يبقى في قواعد علشان ما ينتهيش بينا الحال بنلعب بلاي ستيشن، جرب الموضوع ده ممكن تتجمعوا في بيت واحد فيكم او انكم تروحوا (كو ورك سبيس) او ممكن كافيه هادئ تروحوا تذاكروا هناك انا جربته وكان مثمر جدا بالنسبه لي.

 بس لو جربته وما منفعش معك او ما عندكش حد يذاكر معك بجديه فانت ممكن تسجل صوت لنفسك في الحاله دي دماغك بيتعامل كانه بيشرح المعلومه لحد ثاني فبيبسط الامور ممكن بعد كده تاخذ اللي انت سجلته كمراجعه نهائيه سريعه بس حاول تلخص مش كل كلمه تقولها المهم بس.

 

النصيحه السابعه والاخيره اقرأوا الدرس قبل وبعد شرحه 

يعني قد تكون دي اهم وصيه بعد الوصيه الاولى اللي هي بتاعت كتاب العادات السبع للمراهقين الاكثر فاعليه صحصح معي كده, رغم بساطته يعني تقرأ الدرس قبل و بعد الشرح بس نقطة فاصله مهمه جدا انا عارف ان انا قلت كلمه مهمه كثير بس دي رقم 2 في الاهميه بعد النصيحه رقم واحد.

 ليه حاجه ببساطه الموضوع ده بالاهميه دي هاقول لك انت لما تقرا الدرس قبل لما المدرس يشرحوا بيتكون عندك تساؤلات بسبب نقط انت مش فاهمها او مش مستوعبها او مصطلح جديد او كلمه جديده ممكن فكره مختلفه انت مش مستوعبها قبل ما تروح للمدرس ويشرح الجزئيه دي انت بتدور على اجابات الاسئله الي تكونت عندك مسبقا بسبب القراءه اللي قراتها قبل الدرس.

 فإنت بتكون مركز قوي وبتدور على اجابات فده بيساعد على ترسيخ المعلومه لان انت مسبقا عندك تساؤلات وكمان بيساعدك انك تكون مركز ومنتبه لانك بتدور على الاجابات دي.

 نيجي دلوقت للقراءه بعد الدرس انت دلوقت خلصت الدرس و روحت ليه مهم انك تقرا الدرس ده ثاني وتاخذ عليه ملاحظات اولا ناس كثير قوي بتغفل عنه ناس كثير قوي شايفه ان هو مش ضروري لانك بعد الدرس مباشره دماغك بتكون لسه فيها المعلومات الجديده اللي مكتسبه ولكن هي في الذاكره قصيره المدى.

 انت علشان تثبت المعلومه لازم تقراها كذا مره وكمان فكره انك بتكتب ملاحظات وانك ازاي فاهم النقطه دي بترسي المعلومه اكثر وبتساعد انها ترسا في الذاكره طويله المدى الموضوع حرفيا مابياخدش عشر دقائق او ربع ساعه بالكثير قوي لكنه مهم جدا جدا جدا