تقليل الإغتراب

 

افضل 5 خطوط طيران في العالم

علشان اسم شركه الطيران يتحط في احسن عشر خطوط طيران في العالم لازم يبقى في معاير معينه: 

1-لازم تبقى واخذه سبع نجوم من حيث الامان. 

2-ان الشركه بتكون بتجدد دائما علشان توصل الى اعلى درجات الراحه للركاب وازاي تحسس الناس انهم في بيتهم مش في وسيله مواصلات مستنين ينزلوا منها.

3-بيقيموا الشركة كمان على اساس عمر الطيارة وشكاوى الركاب لو في اي شكاوي.

4-وكمان الارباح بتاعه الشركه ونسبه استثمار شركه الطيران دي في البلد يعني الشركه بتشارك في اقتصاد البلد  قد ايه.

 هنتكلم فى المقاله دى عن  ست شركات مش خمسة علشان الشركة رقم  ستة وهي الامارات

 الامارات كانت لسنين كثيرة من الرواد وكانت هي الاستاندر اللي بيقيسه عليه الخدمه المميزة من حيث الحاجات اللي بتتعمل جديدة في الطيارة، وكمان في الخدمات علشان راحة المسافرين.

الترتيب الخامس هي فيرجن استراليا

فيرجن استراليا

فيرجن استراليا غيرت تماما مفهوم الايكونومي كلاس أو المستوى الاقتصادي هم عندهم مستويان اقتصاديين واحد اسمه اكس وواحد اسمه بريميوم غير البزنس كلاس، هي واخذه احسن خدمه موظفين في العالم والاحسن ده مش بس للموظفين اللي على الطياره كمان الموظفين اللي على الارض في المطار وفي  فروع الشركة كمان.

الترتيب الرابع هي قطر

الطيران القطري

 

جوده الاكل والمنتجات والخدمات الي بتقدم على الطياره مخليه قطر هي افضل بزنس كلاس في العالم واحسن خدمه استضافه من حيث الوجبات، الحكام وهما جايين يعني يحكموا فضلوا الطيران القطري  لأن الخدمة والجودة بتاعت الاكل اللي بتتقدم في الطياره هي الاحسن في العالم وما مشفهاش قبل كده والمفروض شركات الطيران الثانيه تتابع اللي هم بيعملوه ويعملوا زيها. 

المركز الثالث هي كانتاس الاسترالية

كانتاس الاسترالية

 كانتاس اخذت ثلاث جوائز جائزة احسن خدمة محلية واحسن مكان كراسي او بيسموها اللونج في البزنس كلاس واحسن خطوط طيران اقليمية وكمان واخذة احسن شركه طيران اقليمية في العالم، كنتس ملتزمة ان الخدمات المحلية اللي بتقدمها بمستوى الخدمات الدولية كمان يعني مثلا لو انت مسافر بطيارة مثلا مثلا يعني من القاهرة للاسكندرية هي نفس خدمة الطيران لو من القاهرة الى الدنمارك من حيث الاكل البطاطين والموظفين كل الخدمات وده غير الفري واي فاي. 

المركز الثاني هي نيوزيلندا

نيوزيلندا

 لمده خمس سنين كانت نيوزلندا بتاخذ المركز الاول السنه دي هي بقت مركز الثاني نيوزيلندا من الشركات اللي دائما بتحسن الخدمة بتاعتها اكثر من اي شركة طيران ده في الخطوط المحلية والخطوط الدولية، بتشارك في استثمار البلد كويس جدا وكمان بيوفروا الوقود عشان يحفظوا عى البيئة. 

رقم واحد  العالم هي سنغافوره 

سنغافوره

سنغافوره دائما بتاخذ مركز كويس جدا في ال 10 الاوائل في السنين اللي فاتت، بس السنة دي عشان جددت كويس جدا و صرفت كثير وطورت الخدمات بتاعتها فهي اخذت المركز الاول، التطوير ده زي مثلا ان هي عملت طيارة مخصوصة تطير دايركت من سنغافوره لنيويورك ودي مسافه كبيرة جدا ان هي تفضل المسافه دي كلها من غير ولا ترنزيت الخدمة دي مسمينها المستوى الذهبي وده عشان المكان بتاعك بتاع الفرست كلاس هو مش كرسي عادي ولا سرير انت عندك سويت، الطياره ديه دورين الدور اللي فوق في 6 سويت او جناح طبعا غير جناح الطيارة ده حاجه ثانية وهم مصممين بالضبط عشان تحس انك انت في غرفة في فندق.