تقليل الإغتراب

قصة صعود شركه باناسونيك Panasonic

تعال انا وانت دلوقتي نتخيل ان في قدامنا رجل اعمال كبير وعنده شركه كبيره بقلها في السوق 29 سنه و شركه كبيره مش صغيره عنده مصانع كبيرة جدا وعدد كبير من العمال ميعرفش يعدهم




وفي لحظه من اللحظات الحرب تقوم وفي لحظه ثانيه يلاقي شركته متورطة او مشاركة في الحرب دي في اللحظه ثالثه يلاقي قنبله ذريه واقعه على بلده القنبله دي تدمر البلد و تدمر اهله وتدمر له 32 من اكبر مصانعه و يموت عمال ياما جدا جدا دلوقتي عاوزك تحط نفسك مكان الراجل ده وتقول لي ممكن تتصرف ازاي؟




انا وانت لما نقعد نفكر فيها نحس ان هي ملهاش حل مستحيل اساسا ان انت تكون شركه في الظروف دي وفي وضع اقتصاد بلد وقع عليها قنبله ذريه الموضوع مستحيل جدا لكن على عكس توقعاتنا احنا الاثنين او على عكس توقعاتي على الاقل الراجل ده هيقوم مره ثانيه علشان يعيد بناء الشركه من اول وجديد ويعمل امبراطوريه صناعيه اسمها يلف العالم كله الامبراطوريه تستمر لاكثر من 100 سنه الى وقتنا الحالي الراجل ده يبقى كونوسكه ماتسوشيتا او مؤسس باناسونيك Panasonic

 

صعود شركه باناسونيك Panasonic 

السلام عليكم واهلا بكم في مقال جديده والنهارده ان شاء الله هنتكلم عن صعود شركه باناسونيك وازاي الشركه دي قدرت ان هي تعدي من الحرب العالميه الثانيه ازاي تعدي من القنبله الذريه على اليابان في الوقت ده ازاي الشركه فضلت مكمله ل 100 سنه لحد وقتنا الحالي ومحافظ على مكانتها دي بين شركات التكنولوجيا



الحكايه يا سيدي تبدا من شاب ياباني اسمه كونوسكه ماتسوشيتا وان شاء الله الاسم كده يكون صح يعني وطول المقاله مش هنقول اسم الراجل بعد كده احنا هنكتفي بكلمه مؤسس باناسونيك للسهوله مش اكثر



الراجل ده او الشاب ده كان عنده 23 سنه في الوقت ده وكعاده معظم رجال الاعمال اللي بيطلعوا من الفتره دي كان فقير جدا وعلى الرغم من انه مكملش تعليمه الا ان دماغه كانت شغاله حلو جدا في الادوات الكهربائيه اشتغل في اكثر من حرفه في اكثر من شركه لحد ما ينتهي به الحال في الاخر في شركه بتصنع لمبات الاضاءه والدوائر بتاعه لمبه الاضاءه وكان وصل في الشركه دي لمنصب كويس لمنصب مفتش في الشركه وحياته مستقره متجوز وهو عنده 19 او 20 سنه فعايز ايه ثاني من الدنيا ؟



المهم اللي صاحبنا ده مكنش قابل بالشغل يعني مكنش مريحه خالص كان بيقول لك انا باشتغل اربع ساعات طول اليوم شغل حقيقي والباقي شكليات انا قاعد مش باعمل حاجه فالموضوع ده كان مضايقه وهو كان عايز يشتغل شغل بجد هنا بسبب الفراغ اللي هو كان فيه ده بدأ ان هو يشتغل على تصميم او تطوير جديد للدوائر بتاعه اللمبات



بالفعل قدر ان هو في الاخر يعمل حاجه كويسه وتطوير كويس عن الي الشركه بتنتجه و بتبيعه فراح يجري كده وهو مبسوط على مديره علشان يوريله التطوير بتاعه هنا المدير اول لما شاف الكلام ده قال له ده ولا ليه اي لازمه خالص واداله جرعه احباط محترمه كده يعني لولا جرعه الاحباط دي احنا مكناش هنشوف شركه باناسونيك Panasonic وحسسه في الاخر ان هو معملش اي حاجه خالص





صاحبنا يعني اخذ الموضوع على صدره قوي وضايقه جدا فساب الشغل وقرر ان هو هيشتغل بنفسه على تصنيع النموذج ويبيعو كده للمحلات اللي اشتغل معه في الوقت ده كانت زوجته واخوها اللي كان عنده 15 سنه وللعلم يعني معلومه على جنب اخوها ده هو بعد كده اللي هيعمل شركه سانيو للاجهزه الكهربائيه SANYO



المهم ان صاحبنا دلوقتي بدا ان هو ياخذ شهره كبيره لان النموذج بتاعه ده كان افضل في التصنيع وارخص ب 50% من المنافسين ومن الشركه القديمه فاول سنتين بدء ان هو يكبر اكثر وراح ياخد مكانين كده وعمل فيهم مصانع وفتح مكتب للايجار ه والامور كانت ماشيه معه زي الفل

تطوير جديد من باناسونيك Panasonic 

لحد بقى لما عمل تطوير جديد وعملت تقريبا دوائر كهرباء بمخرجين ودي بقى لعبت في السوق في الوقت ده وفي يوم من الايام وهو راجع لبيته من المصنع والدنيا كانت ضلمه جدا و راكب العجله بتاعته ومشغل لمبه زيت كانت فيه العجل زمان كده لمبه زيت كده بتتعبى زيت وبتشتغل اللمبه دي كانت متعبه جدا وهو كان وهو كان تعبان جدا من اللمبه دي كانت بتفصل منه ففكر ساعتها ان هو يعمل مصباح كهربائي او كشاف يركبوا في العجله بس يعني حاجه زي كده في الوقت ده مكانتش جديده قوي لاكنها كانت بتفصل بسرعة وكانت فاشله جدا لان المصباح كان بيشتغل ساعه ولا حاجه وبعد كده يفصل فاطرت الناس ان هي ترجع مره ثانيه للمصابيح القديمه هنا صاحبنا مكنش مقتنع قوي بالتصميمات القديمه وكان شايف ان هو هيعمل حاجه مختلفه جدا



وبالفعل قدر ان هو يعمل نموذج جديد كده كشاف بيشتغل على بطاريات ممكن يشتغل من 30 ل 40 ساعه شغل متواصل ففرح جدا ان هو دلوقت بقى بين يده منتج جامد في اي وقت لو فاكر ان هو يبيعوا هيبيعوا في ثواني على طول لكن مش هو ده اللي حصل صاحبنا ياخذ الاختراع بتاع ويبدا يلف على متاجر العجل ويفرجهم الاختراع بتاعه



لكن مفيش ولا واحد فيهم عايز يشتري منه المصباح ده او الكشاف ده والسبب هنا ان هم عندهم خبر سيئه من النوع ده من الكشافات وكلهم رفضوا انهم يشتروا المصابيح هنا صاحبنا في الوقت ده كان استعجل وخلي المصانع بتاعته تشتغل وتنتج كميات كبيره جدا من الكشافات دي فهنا يعني عمل حركه فيها مغامره كبيره



ان هو قال بصوا خلوا الكشافات دي عندكم لحد لما تقتنعوا ان دي فعلا حاجه كويسه ولما تقتنعوا هاتوا الفلوس وفعلا يا سيدي في اقل من شهر الناس تبدا فعلا تقتنع بالمنتج بتاعه وتبدا طلبات الانتاج تنزل عليه من كل حته والمصانع بتاعته اصبحت دلوقتي مش ملاحقة على الانتاج لدرجه ان هو قرر ان هو يتوسع ويعمل مصانع جديده ويوظف عمال اكثر

معلومة جانبية

معلومه كده على جنب لفتت نظري وانا شغال بحث على مؤسس باناسونيك ان سنه 1929 لما حصلت ازمه الكساد الكبير في امريكا بعض الدول اتأثرت بشكل كبير جدا مش بس امريكا في دول كثير جدا وعلى راسها اليابان والازمه دي اثرت على شركات يابانيه كثيره بما فيها شركة باناسونيك Panasonic وباناسونيك دلوقتي اصبح عندها منتجات كثير جدا موجوده في المخازن والناس مش عايزه تشتري او مش قادره تشتري المعروض والمعروف ان وقت الازمات انت لازم تقل النفقات على قد ماتقدر وشكل من اشكال تقليل النفقات دي ان انت بتعمل تسريح لبعض العمال والموظفين



في اللحظه دي كل العمال كانوا باصين لمؤسس باناسونيك Panasonic ومراقبين ومنتظرين التسريح اللي جاي لكن صاحبنا مرضاش ان هو يعمل كده وقال لك انا مش همشي حد بالعكس انا هخلي الموظفين يشتغلوا نصف يوم وهقلل الانتاج للنصف وهدفع الاجر الكامل لكل موظف عادي جدا بس في المقابل انا محتاج العمال ميخدوش اي اجازات او عطلات وكلهم يشتغلوا على بيع وتصريف كل المنتجات اللى موجوده فى المخازن باي طريقه كانت النتيجه بقى للقرارات دي واللي حصل بعد كده ان المخازن كلها فضيت فى اقل من شهرين



بس عشان نكون واقعيين الحل اللي هو عمله ده كم مبتكر وجديد وقته لكن هل لو استخدمنا نفس الحل كده بنفس التفاصيل دلوقتي هل هينفع ولا لأ الله اعلم يعني كل وقت وليه قواعده

ميلاد علامه ناشونال National

المهم يا سيدي ان سنه 1927 نزل اصدار جديد من الكشاف ده وكان شكله مربع كده بس مش زي اللي فات كان جديد جدا دلوقتي هو ده ميلاد علامه ناشونال National واللي ما يعرفش ان شركة باناسونيك Panasonic مكنتش اسمها شركه باناسونيك في الاول هي في الاول لما بدات كان تقريبا اسمها شركة ماتسوشيتا للصناعات الإلكترونية اليابانية Matsushita Electric Industrial Company وبعد كده اسمها ناشونال National وبعد كده بدانا نشوف باناسونيك Panasonic



المصطلح ده هيظهر سنه 1961 وهنعرف ليه بعد شويه لكن قبل سنه 1961 العلامه اللي كانت موجوده على اغلب المنتجات كانت علامه ناشونال ولو انت كبير شويتين هتبدا تربط معايا ما بين كلمة ناشونال و علامه ناشونال بتاعت المكاوي الكهربائيه اللي ممكن نلاقيها في بيت جدك مثلا وكانت في يوم من الايام المكواه ديه افضل مكواه عند ناس كثير بتستخدمها لحد 10 سنين فاتوا وكمان كان بينزل منها انواع مضروبه باسم ناشونال او انترناشونال لكن الناس الكبيره هتبقى عارفه الكلام ده



وكمان كان منتشر في الوطن العربي ساعتها تسجيل الناشونال 543 يعني عندنا في مصر اللي كان بيروح الخريج زمان وما يرجعش في 543 كانك مرحتش او كانك مثلا رحت ومجبتش معاك زمزم وانت راجع



المهم بقى ان باناسونيك بدات تتوسع في كل المنتجات الكهربائيه اللي تخص الاسره من ثلاجات لسخنات لكشافات لمكاوي كهربائيه لراديو لتلفزيونات ما فيش حاجه باناسونيك مكنتش بتعملها في الوقت ده

الحرب العالميه الثانيه وشركة باناسونيك Panasonic

الكلام ده فضل مستمر بقى لحد بدايه الحرب العالميه الثانيه او قبل الحرب بسنتين وهنا بقى انت محتاج تركز لان الكلام هيحلو قوي بدايه من الحته دي الحرب بدات بدري شويه شويتين بالنسبه لليابانيين سنه 1937 يعني قبل بدايه الحرب العالميه الثانيه بسنتين كانت البدايه في حروب منفصلة الاول ما بينها وما بين الصين فبدات من الوقت ده انها تحول الشركات الموجوده عندها للمجهود الحربي



وده ضغط على شركه باناسونيك لتصنيع سفن حربيه وطائرات على الرغم من ان باناسونيك Panasonic مكنش عندها خبره في الكلام ده خالص فإطر ان هو ياخذ قرود كبيره جدا عشان ينشئ شركتين واحده فيهم لانشاء الطائرات وواحده فيهم لانشاء السفن وبالفعل عمل كام سفينه كده على كم طياره لكن اثناء الحرب العالميه الثانيه المصانع بتاعته دي كلها تدمر وتنتهي و لما وقعت القنبله الذريه على هيروشيما والثانيه على نكازاكي انتهت الحرب وانتهت معاها الشركات اليابانيه وخاصه شركه باناسونيك يا ريتها بقى كانت تقف لحد هنا





لكن بقى لما سيطرت امريكا على اليابان وبدئوا يفرضوا عقوبات كبيره جدا على الشركات اللي دعمت اليابان وقت الحرب فكده اصبح وضع مؤسس باناسونيك صعب جدا ولا يحسد عليه يعني مصانعه كلها تقريبا اتهدد وموظفين كثير جدا منهم ماتوا في الحرب اقتصاد البلد اصبح متدمر البلد نفسها اصبحت مهمله متنفعش لاي حاجه وعقوبات وقيود مفروض عليها من قبل امريكا واسم مؤسس باناسونيك Panasonic اتحط في القائمه السوداء للساعدوا اليابان في الحرب وكده الشركه دي لازم تتفكك و ميمسكش بعد كده اي منصب اداري واخر كل ده هو طلع مديون وعليه ارقام كبيره جدا ورغم الوضع ده قدر ان هو يقوم مره ثانيه يقف على رجليه واللي قوموا هنا مكنش ذكائه لا الي ساعده فعلا بجد هي علاقته مع الموظفين بتوعه ازاي؟



قبل ما يتم الحكم عليه بتفتيت الشركه لقينا اغلب الموظفين بتوع باناسونيك Panasonic كانوا بيعملوا وفود بيروحوا بيها على مقر الحكم الامريكي في طوكيو بيصروا انهم يشيلوا اسم مؤسس باناسونيك من القائمه السوداء ويرجعوه منصبه لانه لم يشارك في الحرب واي حاجه هو عملها فهو كان وضع اتفرض عليه

صعود شركه باناسونيك Panasonic مرة اخرى

بعد ثلاث سنين من الوفود اللي راحها جايه دي و تقديم التماس من 15000 موظف اطر في الاخر المسؤول العسكري الامريكي وكان الفريق دوجلاس ماكاوتر ان هو يشيل اسم مؤسس باناسونيك من القائمه السوداء ورجع في الاخر المؤسسه لمكانوا مره ثانيه على راس شركته مع بدايه سنه 1950 كده راح مؤسس باناسونيك Panasonic زياره لامريكا كده ثلاث شهور علشان يشوف البلد دي وصل بيها التقدم لفين



وبالفعل صاحبنا اعجب بالتقدم اللي هم وصللوا وعرف في نفس الوقت قد ايه الفجوة كبيره جدا جدا ما بين امريكا واليابان في الوقت ده لكن في الوقت في نفسه كان مبسوط جدا من الرحله دي لانه كان بدا ان هو يعرف هدفه ورؤيه اكبر لشركته سنه 1951 بقى كان في رحله ثانيه بس لاوروبا والسبب هنا ان هو كان بيبحث عن شَرَاكات علشان ينقل التكنولوجيا المتطوره دي لليابان وهنا بدأت المحادثات مع شركة فيليبس Philips علشان ينقل التكنولوجيا دي لمصانعه في



وده كان ضروري جدا علشان شركته تقوم وفي نفس الوقت هو عارف ان الاعتماد على الشركات الاجنبيه مش صح طول الوقت مش هينفع ان انت تفضل معتمد عليهم لذلك سنه 1953 قرر ان هو ينشئ مراكز الابحاث الخاصه بي علشان يقدر يطور من التكنولوجيا دي ويقلل من اعتماده على الشركات الاجنبيه



هنا لو انت صحصح معايا ومنمتش مني في نصف المقاله المفروض تسالني سؤال مهم دلوقت هو الراجل ده مش كان مديون جاب كل الفلوس دي منين علشان يعمل التوسع الكبير ده ويقوم مره ثانيه على رجليه هاقول لك جزء من الفلوس دي كان جاي على شكل قروض والجزء الثاني كان جاي من البرصة لانه طرح الشركه بتاعته في اكبر ثلاث بورصات في اليابان في الوقت ده التمويل والشركات الدوليه اللي هو عملها لنقل التكنولوجيا بالاثنين دول قدر مؤسس باناسونيك ان هو يعدي من اصعب ازمه ممكن يمر بها اى رئيس شركه


حجم شركه باناسونيك Panasonic الأن

قبل ما نخلص المقالة دي فانت هتسالنى وتقولي هي فين بقى شركه باناسونيك Panasonic دلوقتي اقول لك بالارقام فهتلاقي مبيعات شركه باناسونيك تجاوزت ال70 ل80 مليار دولار سنويا وهتلاقيهم بيشتغلوا في اغلب الاجهزه الكهربائيه اللي نعرفها حاليا بس الاهم من وجهه نظري الشخصيه هي صناعات البطاريات وشركاتها الكبيره جدا مع شركه تسلا



ايوه اغلب البطاريات اللي موجوده في شركه السيارات تسلا Tesla هي من انتاج شركه باناسونيك Panasonic وفي شراكه كبيره جدا ما بينهم في بناء مصانع جديدة



بس كدا اتمنى المقالة تكون عجبتك