مشهور جدا ان احنا عندنا نوعين من الذاكره:
.الذاكره العامله او زي لما بيقولوا عليها الذاكره قصيره المدى.
. الذاكره طويله المدى.
بالنسبه للذاكره قصيره المدى هي الذاكره اللي بتقدر تخزن فيها معلومات جديده حالا في الوقت الحالي و كان مشهور ان انت تقدر تحفظ وتخزن من سبعه +\- اثنين معلومات يعني ممكن من خمسه لتاسع معلومات حالا بشكل لحظي.
مقدرة الذاكرة قصيرة المدى
ولكن الدكتوره باربرا وكلي ضحدت الموضوع ده وقالت ان انت بتقدر تخزين اربع قطع من المعلومات بس مش خمسه ولا تسعه هم اربعه بس انت عندك اربع اماكن فاضيه في الذاكرة قصيره المدى تقدر تملاهم في اي وقت ولو انت هتخلي معلومات جديده بشكل دوري في هتمسح القديم وتخزن الجديد.
يعني مثلا الرقم ده 9 1 1 3 6 5 2 4 7 1 0 2 انت لو هتحاول تحفظ الرقم ده دلوقت 9 1 1 3 6 5 2 4 7 1 0 2 انت يادوب هتنقط هتنقط 9 1 1 3 ممكن 6 كمان مع بعض في نفس الوقت لكن مش هتلحق تكمل باقي الرقم لانه اكثر من اربع ارقام كل رقم في الحاله دي عباره عن قطعه واحده من المعلومات في الذاكره قصيره المدى.
الفرق بين الذاكرة قصيرة المدى والذاكرة طويلة المدى
الذاكرة قصيرة المدى صغيره ومبتخزنش معلومات كثير على المقابل الذاكره طويله المدى عباره عن مستودع كبير جدا تقدر تخزن في كم مهول من المعلومات وعلشان المعلومه تنتقل من الذاكره قصيره المدى الى اذاكر طويله المدى لازم تستخدمها باستمرار وتكررها على مدار مده زمنيه طويله و مهم جدا موضوع المده الزمنيه الطويله.
لو كررت المعلومه عشر مرات النهارده بالكثير هتنساها على الاسبوع الجاي ولكن لو كررتها عشر مرات ولكن على خمس ايام مثلا المعلومه دي هيبقى صعب جدا انك تنساها يعني اثبت ان التعليم المتباعد او التكرار المتباعد فعال جدا في حفظ المعلومات في دماغنا بشكل كويس.
بمعنى انت لو هتقعد تحفظ حاجه لمده ساعه علشان تكررها اربع مرات ما تعملش كده ذاكرها ربع ساعه النهارده ربع ساعه بكره ربع ساعه بعده و ربع ساعه اليوم اللي بعده هتلاقي ان المعلومه دي المسار العصبي المخزن فيها المعلومات دي بيقوى مع الوقت و بيبقى صعب جدا انك تنساها.
الموضوع شبيه جدا بالجيم انت لو رحت الجيم واتمرنت 10 ساعات في يوم واحد وبعدين متمرنتش ثاني يعني حلو ولكن الاثر بتاعه مش هيبقى كويس وغالبا بيبقى استهلاك على الفاضي.
لكن لو اتمرنت ساعه عشر مرات على مدى شهر هيبقى في فرق شاسع جدا العضلات هتاخذ فرصه وتتبنى بشكل اقوى و هيقصر على شكلك الخارجي نفس القصه نفسه عدد التكرار ولكن على تباعد مهم جدا.
فوائد النوم للذاكرة
حاجة مرتبطة جدا بالذاكرة الكويسه هي النوم الكويس النوم جزء لا يتجزا من العمليه التعليميه دائما بتسمع نام كويس, نال قسط كويس من النوم لانك لو مش نائم كويس فدماغك مش هيبقى مركز وانت نائم دماغك بيطرد السموم وبيعمل صيانه للروابط العصبيه الجديده اللي تكونت من خلال تعلم شيء جديد.
يعني انت تعلمت شيء جديد روابط عصبيه جديده بتتكون فهو بيصين عليها كده ويشيك ويساعد انها تبقى موجوده و متفكش من بعضها يعني الموضوع اشبه بعربيتك عربيتك لو خليت نفسك دايس عليها ومبتعملش ليها اي صيانه ومبتعملش الصيانه الدوريه بتاعتها العربيه هتنهار في وقت قليل ولكن لو انت بتصينها باستمرار, العربيه هتحافظ على ادائها.
كمان في حاجه ظريفه دماغها بيعملها واحنا نائمين هي حاجه اسمها المحاكاه ان هو بياخذ المعلومات الجديده دي وبيحاول يركبها مع بعضها كده واشوف هتظبط ولا لا وده بيظهر في الاحلام اللي انت بتحلمها لو انت مثلا كنت بتذاكر قبل ما تنام او مراجع حاجه قبل ما تنام بتلاقي دماغك بيقعد يجيب لك احلام مرتبطه بالحاجة دي.
معلومه مثيره عن دماغك
73% من تكوين دماغك عباره عن مياه.
فالمياه مهمه جدا جدا علشان دماغك يشتغل بكفاءه عاليه ونقص المياه بكل تاكيد بياثر على دماغك وده بيظهر في صوره الصداع والتفكير المشوش والنسيان فلازم تشرب قدر كافي من الماء بشكل دوري وتأكد ان انت في كل امتحاناتك يكون معاك ازازه مياه.
نصائح وحيل لتحسين الذاكره
تعال بقى ندي لك شويه نصائح وحيل لتحسين الذاكره او تحفظ بشكل اسهل.
علشان اذاكر او علشان الحاجه الجديده اللي انت تعلمها تنتقل من الذاكره قصيره المدى الى الذاكره طويله المدى طبعا قلنا ان انت لازم تكررها بشكل دوري على فترات متباعده ده الاسلوب الامثل.
ولكن من الحاجات اللي بتسهل عليك عمليه الحفظ هي انك تربط المعلومه الجديده اللي انت بتذاكرها بصوره ذهنيه مضحكه او بصوره مبالغ فيها بشكل كبير جدا وكل لما كانت صوره مضحكه ومبالغ فيها كلما كان اسهل ان انت تستذكر او تسترجع المعلومه دي.
يعني احنا بنفتكر الصور افضل بكثير من المعلومات المجرده فانك تربط المعلومه المجرده بصوره مضحكه هيبقى سهل جدا انك تسترجعها الاسلوب ده بيخليك تقدر انك تهاك او تخترق الذاكره قصيره المدى وتقدر تخزن فيها مش اربع معلومات بس لا 10 وف اوقات ل 20 معلومه في نفس الوقت في الذاكره قصيره المدى.
الاول انت محتاج تربط الارقام دي بحجات ودي حاجه اسمها النومنيكيس هو معناها فن الذاكره اللي هو انت بتهاك الذاكره وبتقدر تحفظ معلومات بسهوله.
حاجه ثانيه ممكن تستخدمها اللي هي اللحن انك تكون جمله لها وقع او ليها وزن علشان تحفظ بيها المعلومات مثلا (في 1492 كولومبوس اكتشاف الامريكتين) لو حطيتها في لحن هيبقى سهل بالنسبه لك انك تحفظها.
مثلا انك تكون جمله من اوائل الحروف يعني في الرياضيات مثلا في دوال المثلثات (كل جبار ظالم جته داهيه) علشان تحفظ الجا والجتا والظا فكنا بنحفظ الحاجات دي من خلال اللحن او من خلال الجمل دي.
كمان احد الاساليب دي ان انت تاخذ اول حرف من كل معلومه وتجمعهم او تربطهم بكلمه زي مثلا الثلاثه اللي تخلفوا عن الغزوه اللي هم:
مراره بن الربيع
كعب مالك
هلال بن اميه
ميم والكاف والهاء وجمعناهم في كلمه (مكه) فمن هم الثلاثه الذين تخلفوا؟
في دماغي (مكه) مراره, كعب, هلال, وكلهم اسيادنا طبعا.
مثال اخير الناس بتوع طب وصيدله عندهم حاجه اسمها اسكيمات اللي هي حاجه تحفظ بها حاجات معينه كان عندهم الاجسام المضاده كان عندهم:
IgG
IgA
IgM
IgE
IgD
فIG ثابته في كلهم ولكن بيختلف الحرف الاخير لو جمعتهم مع بعض هيبقى جامد (GAMED) الاجسام المضاده جامده او في ناس كانت بتحطها ماجد سدى حاجات تقدر تحفظ بها معلومات ملهاش علاقه ببعض بسهوله حاجات دي كلها كانت النصيحه رقم واحد.
النصيحه الثانيه
حاول وانت بتراجع الماده او بتذاكرها للمره الثانيه متخشش تذاكرها على طول حاول تسترجع المعلومات وتكتبها بخط ايدك يعني قبل ما تذاكر اي الحاجات اللي انت فاكرها في الجزئيه دي وتبدا تكتبها وتبدا تتكلم او تذاكر اللي انت بتكتبه بصوت عالي حقيقي الحاجتين دول هيساعدوك بشكل كبير في تعميق وحفظ للمعلومات دي لانك بتستخدم الذاكره الحركيه والذاكره السمعيه والكلام ده علشان تسترجع المعلومات دي.
بالاضافه ان انت هتعرف الخلل فين في الحاجات اللي انت بتنساها فقط ركز عليها في المره الثانيه بتاعه المذاكره اسلوب كويس جدا انك تحاول تسترجع معلومات قبل ما تعيد مذكرتها.
النصيحه الثالثه
او الحيلة الثالثه هي الفلاش كارد الفلاش كارد كنا تكلمنا قبل كده عنها اللي هي ببساطه ان انت لو بتحفظ كلمات جديده او عايز تحفظ معادلات او اي حاجه فبتكتب السؤال او الكلمه الجديده في وش الكارت والحاجه او المعنى او المعادله اللي انت حابب تحفظها في الظهر .
وتحاول تسترجعهم وذكرهم باستمرار او تخلي احد من قرايبك او اصحابك يساعدك فيهم هتلقيه فعال و كويس جدا.
الحيله الرابعه
وكنا ذكرناه من شويه هي التعليم المتباعد انت لما تيجي تحفظ حاجه او تذاكر حاجه متقعدش تحفظها وتكررها 20 مره لا خلي مرات التكرار على فترات زمنيه ومتابعده ده افضل بكثير من حيث حلو المعلومات الي في الذاكره.
النصيحة الخامسه والاخيره والمهمه جدا
واللي الناس الابطال في مسابقات الذاكره بيستخدموها هي حاجه اسمها قصر الذاكره باختصار ان انت تتخيل مكان انت حافظه جدا وفي الغالب بيكون بيتك او الشقه اللي انت عايش فيها.
وتحط المعلومات الجديده اللي انت عايز تحفظها في البيت جوه البيت يعني على باب الشقه تحط حاجه خش اوضه الجلوس تحط حاجه على الكنب والكراسي تحط في المطبخ تحط اي حاجه.
وهقلك مثال يوضح لك الموضوع لو انت حابب تحفظ الشوبنج لست او قائمه التسوق اللي انت هتجيبها من السوبر ماركت فانت هتجيب
1-صابون
2-عيش
3-جبنه
4-خيار
5-طماطم
6-شاي
7-سكر
8-قهوه
9-بامبرز
كل الحاجات دي صعب كده كده كده هتسقط حاجه فممكن توزعهم في قصر الذاكره ان تتخيل شقتك تحط مثلا على باب الشقه الصابونه لانك اول لما تخش هتحتاج تغسل يدك من الجراثيم والبكتيريا هتخش على غرفه الجلوس هتحط العيش على الكنبه والجبنه جنبه (عيش وجبنه).
وبعد كده (الخيار والطماطم) و نحطهم على كرسي بيتخانقوا عليه تخيل مثلا.
وبعدين هتخش المطبخ هتلاقي الشاي على النار والقهوه مستنيه دورها هي كمان عشان تسخن ومحتاجين يحطه سكر (شاي وسكر وقهوه).
وبعدين تخش الحمام تلاقي (بامبرز) .
طبعا كل الحاجات دي تقدر تعمل بحث عنها وتتعمق وهتلاقي حاجات ممتعه جدا عنها
إرسال تعليق