تقليل الإغتراب

 

                    

النهارده هنتكلم عن ازاي توصل لافضل طريقه للمذاكره بالنسبه لك انت.

المقاله دى هتبقى طويله فاتمنى ان بالك يبقى طويل حبتين ويكون معك ورقه وقلم علشان تاخذ ملاحظات لو انتَ او انتِ في الثانويه العامه او في اي مرحله تعليميه فالمقاله دي ان شاء الله هتساعدك.

 زي ما اتعودنا ان احنا بنقول النقاط الاساسيه علشان انت تبقي متابع وشايف الصوره الكامله ومتابع احنا بنتكلم عن ايه عموما. 

اربع حاجات هنتكلم عنهم النهارده:

 -الدافع

 -اكتشف نفسك

-المكافاه

-خفض الضغط 

انا عارف ان الكلام ده انت سمعته 100 مره قبل كده ومهروس حتى انا فكرت استخدم المصطلحات بالانجليزي علشان نستعيض بها عن الكلام ده خصتاً ان المصطلحات باللغه الانجليزيه بيكون حواليها هاله وبتحس كده ان الراجل ده بيقول كلام مهم وده مفهوم لان الثقافه الغربيه هي ثقافه متقدمة عننا دلوقتي فأي حاجه جايه من عندهم بتبقى محاطه بهاله اللي هي عقده الخواجه باختصار.

بس صدقا ده اختصارا لتجربتي في المذاكره للثانويه العامه مش بقلك حاجه من دماغي او ان انا سمعت كم محاضره وقريت كام كتاب وجاى اقولك الكلام بشكل منظم وحلو والمرتب ومنمق وما يكونش ليه اي فائده ان شاء الله لو كملت المقاله للاخر هتستفيد اوعدك بكده.

الدافع

لو افترضنا ان في عربيه العربيه دي ممكن تمشي لو مفهاش بنزين؟ 

الاجابه: اه,ممكن تمشي بالزق بجد مش بهزر ممكن تزقها وهي مفهاش بنزين وهتمشي عادي بس الموضوع ده غير مجدي وغير عملي.

وظيفه العربيه مش معموله علشان انك تمشيها بالزق فكذلك برده لو انت بتذاكر علشان الوالد او الوالده بيقولوا لك قوم يا ابني  ذاكرلك كلمتين ينفعوك فانتا اه هتقوم تذاكر وهتمسك الكتاب عشر دقائق وبعدين هتاخدوا في حضنك وتنام, او ان انت هترميه جنبك وتلعب اي لعبة وتتصفح الشوشيال ميديا بحيس ان لو احد فتح عليك الباب بترمي التليفون وتمسك الكتاب كانك بتذاكر.

 الكلام ده ما ينفعش انت دلوقتي زي العربيه اللي مفهاش بنزين بتمشي بس بالزق وغالبا مبيكونش ليها اي 30 لازمه بتكون زي العربيه اللي عطلانه كده لكن لو حطينا في العربيه بنزين هتمشي ليه؟ لان البنزين دفعها البنزين هنا هو الدافع انت زي العربيه بالضبط محتاج بنزين او اللي هو الدافع يعني.

 احكي لك عن موقف طريف حصل معايا لما كنت في الثانويه العامه كان في حاجه اسمها مسابقه اوائل الطلبه ودي كل مدرسه بتطلع شويه طلبه من عندها تنافس بهم على مستوى المديريه او على مستوى المحافظه مع مدارس ثانيه.

وهم بيعلنوا عن المسابقه دي قالوا ان الجائزه بتاعه المسابقه دي لاب توب انا في الوقت ده ما كانش عندي حتى الكمبيوتر العادي فلاب توب كان اكثر من حلمي حتى اكثر بكثير من اللي انا بتمناه.

عايز اقول لك ان انا اتجنيت ولسوء حظي ان انا كان عندي انفلونزا وبرد وصداع وبرشح وعيني حمراء مش شايف بيها كويس بس رغم كل ده ماسك الكتاب وبذاكر بنهم عارف يعني ايه بنهم ليه بقى لان كان عندي هدف ودافع قوي جدا اللي هو اللاب توب وطبعا مكسبتش اللاب توب ولا حاجه ولا حتى اتئهلنا اصلا ولا حاجه خالص.

ولكن الشاهد هنا ان الدافع هو اهم شيء على الاطلاق فانت لازم تاخذ وقتك وتدور على الدافع بتاعك انا بذاكر ليه كنت شاركت السبب بتاعي معكم في مقاله قبل كده ان انا كنت بذاكر علشان عايز افرح ابي وامي عايز اخليهم فخورين بي كنت شايف قد ايه هم تعبانين معايا وموفرين لي كل حاجه فكنت بقول لنفسي ليه مستخسر فرحتهم يوم النتيجه او ليه مستخسر فيهم السعاده دي علشان كده انا كنت بذاكر.

طيب عرفنا ان الدفع ده مهم جدا ادور على الدفع بتاعي ازاي؟ 

دور على حاجه لو كسلت هي اللي تلسعك لو انت تكاسلت شويه هي العصا الغليظه اللي بتلاقيها تلسعك كده وتقول لك قوم ذاكر دور على الحاجه اللي ساعه لما تفكر فيها تديك همه وعزم كده وانك تستحمل رخامه المذاكره دور على حاجه تحسسك ان اللي انت بتعمله مش بدون جدوى.

لا دي لها هدف انبل من ان انت تجيب درجات وتعدي المرحله التعليميه اللي انت فيها.

جيب ورقه وقلم وفكر في الحاجات اللي انا قلت لك عليها حاجه ساعه لما تفكر فيها تديك حماس وهمه للمذاكره يمكن الدافع بتاعك ان انت عايز تكون شبه حد معين في مجال المعين يمكن الدفع بتاعك ان انت تكون شخص غني وناجح والسبيل الوحيد لتحقيق الكلام ده ان انت تكون متفوق دراسيا ممكن تجي لك منحه بقى والكلام ده كله ممكن يكون الدافع بتاعك ان انت عايز تدرس فيه مكان محترم متقدم عننا في التعليم مثلا فسبيل ان انت تاخذ منها ان انت تكون متفوق دراسيا.

 جيب الورقه والقلم ودور على الدافع بتاعك ممكن ما يكونش دافع واحد ممكن يكون اكثر من دافع بس متكترش من العدد علشان متضيعش الفكره كلها اعتقد دلوقتي انت استوعبت قد ايه الدافع مهم هو البنزين اللي بيخليك تمشي هو الحاجه اللي هتخليك تذاكر هو الحاجه اللي هتديك همة وثقه ان المذاكره او المجهود اللي انت بتبزله له هدف وانت في الصراع الداخلي علشان بس تقوم تذاكر.

الحاجه الثانيه اللي معنا هي اكتشف نفسك

انا عارف ان الناس زهقت من المصطلحات دي لان ناس كثير استخدمتها في كتب ومحاضرات وفيديوهات ومقالات تحس ان انت قفلت كده, نفسك قفلت من الحاجة دي ولكن هتكلم عن حاجه 

ثانيه خالص غير اللي الناس بتتكلم فيها.

هاتكلم عن انت بتعرف قد ايه عن قدرات دماغك البتاعه المدوره اللي فوق كتافك دي تعرف قد ايه عنها دماغك ده عباره عن الاداه اللي انت بتستخدمها وانت بتذاكر هو ده اللي بتخزن عليه هو ده الميموري كارد اللي انت بتخزن عليه علشان تستدعي المعلومات دي وقت الامتحان صح.

انت تعرف قد ايه عن السعه التخزينيه بتاعت الدماغ سريعا كده الدماغ في سعه تخزينيه 1 بليون نيرون او مليار خليه عصبيه الخليه العصبيه دي هي اللي بيتخزن عليها البيانات, كل خليه عصبيه طالع منها وصلات لالف من اخواتها اللي حواليها فبالتالي كل واحده متصله مع الف وكل واحده من الالف دول متصله مع الف فبتكون شبكه عملاقه من الخلايا العصبيه وده بيزود السعه التخزينيه بتاعت الدماغ طيب السعه التخزينيه بتاعت الدماغ قد ايه حاولوا يحسبوها لقوها 2.4 بيتا بايت.

انا عارف ان انت مسمعتش الرقم ده قبل كده بس هو عباره عن مليون جيجا بايت ممكن تتخيل ده هوضحهلك اكثر لو افترضنا ان دماغك ده عباره عن جهاز تخزين وتسجل البرامج اللي تشتغل على التلفزيون وشغالنا التلفزيون, دماغك يقدر يسجل ثلاثه مليون ساعه متواصله يعني لو شغلت التلفزيون ده ثلاثه مليون ساعه دماغك هيسجل اللي بيتعرض 24 ساعه في اليوم 365 يوم في السنه.

الثلاثه مليون ساعه دول يعدوا 300سنه دماغك يقدر يسجل فيديو متواصل لمده 300 سنه فمتقليش ان في معلومات كثير في دماغي انا مش فاهم والكلام ده انت ما تعرفش دماغك يقدر يعمل ايه.

الشاهد اقرا عن الاداه اللي انت بتستخدمها ازاي هتقدر تستخدم دماغك الاستخدام الامثل وانت متعرفش عنه حاجه روح لعمنا جوجل وابحث عن قدرات الدماغ البشري وانبهر بقى وعلى هذا الاساس هتحس قد ايه ان انت مبتستخدمش حاجه من دماغك.

 باختصار تصوري عن الدماغ في فتره الثانويه من اللي انا قراته ان هو عباره عن عيل كسول وساذج ليه كسول لام دماغك ما بيحبش يتعب نفسه بمعنى ان انت كل لما تيجي تذاكر هتحس ان انت معمول لك عمل مش قادر تقعد عايز تقوم على طول انا جعان فتقوم تعمل ساندوتش وتاكل بعدين تقعد تاني, بعدين نشرب شاي بقى تقوم تعمل شاي بعدين تفتحر فيسبوك.

وبعدين تكتشف ان انت قاعد من الساعه ثلاثه للساعه اربعه ونصف فانتا ذاكرت ساعه ونصف كده ممتاز جدا اقوم بقى وفي الحقيقه ان انت ما ذاكرتش حاجه خالص لانك مشتت طول الوقت ليه لان دماغك مش عايز يشتغل كسول.

طيب ليه ساذج لانه بيصدق اي حاجه بتتقال وفي مقوله مهمه جدا بتقول لك لازم تكون حريص جدا من الحاجات اللي انت بتقولها لنفسك لانك غالبا هتصدقها يعني لو قلت بنفسك الماده دي صعبه انا عمري ما هافهمها المدرس ده ما بيعرفش يشرح انا غبي في دماغك هيقول لك اه طبعا الماده دي صعبه جدا والمدرس ده ابن 60 في 70 وانت عمرك ما هتفهم وانت غبي جدا ده انت حمار اصلا.

تمام طيب لو قلت لنفسك انا هحاول الماده دي مش بالصعوبه دي لو فلان قدر يذاكر الماده دي ويجيب الدرجه النهائيه دي انا اقدر يعني هو ما عندوش دماغك زياده هو زي بالضبط دماغك هيقولك فعلا انت تقدر.

الفكره كلها مرتبطه انت بتقول ايه لنفسك يعني الموضوع ده خاص بالعقل الغير واعي ولكن احترس من الحاجات اللي انت بتقولها لنفسك تجنب الحاجات السلبيه خالص اوعى تقول الحاجات السلبيه خالص اوعى تقول انا كسول انا غبي انا كسول انا ذاكرتي ضعيفه اوعى تقول الكلام ده.

قول ذاكرتي هتتحسن مع الوقت قل المواد مش صعبه قل الكلام الايجابي اللي هيساعدك لان العقل الباطن بيطبخ الحاجات اللي انت بتقولها له وانت نائم وبيقفلك ثاني يوم بقى فانت ممكن ثاني يوم تقوم مقفول خالص من المذاكره وانت مش عارف ليه وممكن تقوم وانت نفسك مفتوحه للمذاكره برده وانت مش عارف.

السر هو في الكلام اللي انت بتقوله لنفسه لو انت بتقول كلام ايجابي هتلاقي انت قايم ثاني يوم انت ميه الميه ومتحمس للمذاكره لو انت قلت لنفسك كلام سلبي هتقوم تعمل ايه طيب مش هتقوم.

تمام حاول تقرا اكثر عن دماغك وحاول تقرا اكثر عن العقل اللاواعي من على النت, النت دلوقت في كل حاجه وليه لازم انت تعرف الحاجات دي لان زي ما قلت لك دماغك هو الاداه بتاعتك وانت لازم دائما تعرف الاسلحة بتاعتك وانت كل لما تعرف عن السلاح بتاعك بيخليك تستفيد منه اكثر.

 بمعنى ان اكثر واحد بيعرف يسوق في الدنيا دي بحالها هتلاقيه عارف الصمامات بتاعه العربيه والجهاز ده بيعمل ايه والخرطوم ده رايح فين وبيعمل ايه وده وظيفته ايه, ليه؟ لان ده بيخليه يستخدم الحاجات دي احسن استخدام ويخليه يحس بالعربيه اللي هو فيها زيك انت برده ساعه لما تقرا عن قدرات دماغك وعن ازاي انت بتفهم وازاي ان انت بتستوعب وازاي دماغك يسترجع المعلومات وازاي ان انت وقت الامتحان المعلومه بتنسيها.

 طيب وازاي اقدر افتكرها طيب و ازاي اصلا اخزنها بطريقه تخليني استرجاعها بسهوله الكلام ده موجود على الانترنت على فكره, حاول ان انت تبحث عنه وان شاء الله هيساعدك بشكل جبار.

 وبعد لما تكتشف الحاجات اللي انا قلت لك عليها دي جاء الوقت اللي انت تكتشف الوقت والمكان الامثل للمذاكره دائما لما تجيء تتكلم عن خطط للمذاكره دماغك بيقول لك نعمل جدول الفكره في عمل الجدول ان انت على لما توصل لمرحله ان انت عايز تعمل جدول بتكون متحمس جدا للمذاكره وده شيء كويس ولكن حماسك ده بيخليك تحط اهداف غير واقعيه اهداف صعب ان انت تحققها انت متحمس جدا انت بتقول انا هذاكر ست او سبع ساعات يوميا ده مش واقعي.

وهتيجي تعلم في نهايه اليوم على الاهداف اللي انت خلصتها هتلاقي ان انت معملتش اي حاجه فيصيبك اكتئاب وبتلاقي كل حاجه باظت ففكره عمل الجدول من ناحيتي انا شايف انها فكره غير مجديه تماما.

بس في فكره افضل من كده بكثير جدا اللي هي ان انت تحد نفسك بالكم مش بعدد الساعات بمعنى انا عندي مثلا ماده زي الكيمياء عباره عن 15 فصل في السنه, النهارده هذاكر اول فصل تمام ما تقولش النهارده انا هذاكر ساعتين كيمياء لانك ممكن تقعد ساعتين والاستيعاب بتاعك او التحصيل بتاعك لا يزيد عن عشره في المئه.

فانت لما تقول انا هذاكر فصل كيمياء وتحد نفسك بحد معين من الوقت يعني على الاقل ساعه مثلا يعني ما تقوليش ان انا هذاكر فصل في 10 دقائق وابقى انا كده خلصت ما تحاولش تلف حول الموضوع حط لنفسك حدود وذاكر فعلا بجد قل انا هذاكر اول  فصل في الماده دي بعدين لو انت خلصتهم في ساعه تمام, بس لو خلصتهم مثلا في نصف ساعه هتعمل ايه؟ عيد ثاني لحد لما تخلص الساعه فحد نفسك بكم مش بعدد ساعات.

بالنسبه لي انا ما مكنتش بذاكر ازيد من اربع ساعات ونصف ده اعلى حاجه بالنسبه لي ومره حاولت ان انا اذاكر ست ساعات بس علشان اقول ان انا ذاكرت ست ساعات وطبعا في الاخر كان كله حنكشة و حمبكه علشان انبسط بس بالست ساعات فالفكرة حد نفسك بست ساعات في اي ماده كحد اقصى ده بالنسبة للاسلوب.

طيب بالنسبه بقى للوقت والمكان؟ 

اختار اهدى وقت واهدى مكان بالنسبه لك انا بالنسبه لي طول النهار كان مليان وش والباب بيخبط حد بتاع حلويات ماشي في الشارع و بينادي عربيات بتزمر عيال صغيره بتجري جوه الشقه فالفكره انه كان في حاجات كثير مشتتاني.

فلقيت ان افضل وقت هو ساعه الفجر وده وقت سحري بكل المقاييس من خلال التجربه الوقت ده يا جماعه لو انت في مسئله واقفه معاك ومش عارف تحلها ذاكرها في الوقت ده لو في موضوع انت حاسس ان هو صعب قوي ذاكروا في الوقت ده و جرب مش هتخسر حاجه من التجربه.

بس لازم تبقى نايم قبليها بدري وصاحي مصحصح يعني متفضلش صاحي لحد الفجر وبعد كده تيجي تقول لي انا جربت ومنفعش نام اربع او خمس ساعات على الاقل وبعد كده قوم في الوقت ده وانا متاكد انه مناسب مع كل الناس وحتى الناس اللي بتروح تحضر في المدرسه يوم كامل هيبقى متوافق معهم جدا لانك بتصحي قبل الفجر قبل الدوام المدرسة واقولك كمان انت لو ذاكرت ساعتين او ثلاث ساعات في الفتره دي كفايه مذاكره ومتذاكرش طول اليوم هيبقى كافي جدا جدا جدا لان الوقت ده ربنا يبارك فيه اصلا وهتلاقي ربنا فاتح عليك في الفهم والاستيعاب اصلا.

المكان بقى كان اي مكان في البيت لان غالبا الناس كلها بتبقى نايمه ودي اضافه جميله فلو موضوع الفجر مش مناسب بالنسبه لك دور على المكان والوقت الهادي اللي بيبقى فيه هدوء تام وتقدر تذاكر وابعد عن اي مشتتات خالص حط الموبايل في غرفه ثانيه اللابتوب اقفله افصل نفسك خالص عن العالم وانت بتذاكر.

وملخص الكلام ده 

-اقرا كثير عن قدرات دماغك 

-متقولش كلام سلبي كثير قول كلام ايجابي لان ده بيفرق جدا 

-متخليش نظام المذاكره بتاعك معتمد على الوقت قل انا هذاكر جزئيه معينه خلي السيستم بتاعك معتمد على الكم مش على الوقت لان في النهايه انت لما بتخلص الماده مبتقولش انا ذاكرت الماده دي مئه ساعه, لا بتقول انا خلصت من الماده ال 15 فصل مثلا فخليها معتمده على الكم احسن.

وحاول تبدا براحه ما تقولش انا هذاكر ست ساعات النهارده كبدايه او هذاكر النهارده عشر فصول وخاصه ان احنا كنا هنخليها بالكم ما تقولش انا اخلص المذاكره في يومين.

ابدا بالراحه ابدا بفصل واحد وبعدين بكره خليه فصلين وهكذا ايه المانع يعني.

يعني ما فيش حد بيشيل اوزان بيروح يشيل ال100 كيلو على طول بياخذها بالتدريج على لما عضلاتك المذاكرتيه تقدر تعمل الكلام ده.

النقطه الثالثه هي المكافاه

عارف انت مبدا الثواب والعقاب ده من اقدم المبادئ ومن اصححها على الاطلاق ان الصالح هيخش الجنه والطالح هيخش النار والعياذ بالله ده مبدا تقدر تطبقه على اي حاجه في الفكره ان انت لو احسنت لازم تكافك نفسك ولو كسلت لازم تعاقب نفسك.

 في كتاب اسمه قوه العادات ده كتاب رائع جدا الكلام ميقدرش يوصف قد ايه الكتاب ده رائع الكتاب ده بيكلمك ازاي العاده بتتكون اصلا بيقول لك انها بتمر بثلاث حاجات او مراحل 

-اول حاجه الاشاره 

-انك تعمل العاده او الحاجه اللي انت عايز تعملها.

-وبعدين لما تعمل العاده دي ان انت تكافك نفسك.

فانتا لو كررت الموضوع ده على طول الموضوع بيتحول لعاده فعلا وبيتسجل في الدماغ و بتلاقي انك بتعملها على طول بشكل طبيعي مش محتاج انك تفكر فيها.

على اي حال لو طبقنا الموضوع ده على المذاكره لازم في البدايه ان انت يكون عندك حافز مش حافز اللي هو الدافع لا حاجه بتحسسك انك بتركز للمذاكره او بتعرف دماغك ان في مذاكره جايه ازاي؟

انت دلوقتي قعدت على مكتبك وجبت كتبك هتبدا تذاكر حاول تخلي لك تسلسل كده حاول تخلي لك طقوس يعني مثلا انت بتعمل فنجان قهوه وبتجيب موزه علشان لو جعت وانت بتذاكر و بتقرا شويه قران علشان تبتدي انت عملت كده اول يوم ثاني يوم ثالث يوم.

 

انت ساعه لما بتعمل قهوه وبتجيب الموزه وبتقرا شويه قران هتلاقي ان دماغك على طول مؤهل اللي هو عارف اللي انت هتدخل تذاكر هتلاقيك بتركز يعني الحاجات دي دلوقت بترتبط عندك بالمذاكره تمام.

انت لازم يكون لك تسلسل او لازم يكون لك طقوس قبل لما تذاكر العربيه فاكر العربيه بتاعتنا اللي هي في الاول دي خالص العربيه دي ساعه لما انت بتحط فيها بنزين بتمشي؟ لا بتحتاج ان انت تحط المفتاح في التابلوه تدور المفتاح تشد فرامل اليد تدوس دبرياج وتديها غيار وبعدين تدوس بنزين كده بعدين تمشي.

 ده بقى طقوس او تسلسل لازم تعمله علشان تخلي العربيه تمشي انت كمان كذلك لما تذاكر حاول يكون لك تسلسل او طقس انت بتعمله انا بالنسبه لي انا كنت بصلي ركعتين وبقرأ شويه قران و باعمل القهوه على طول دائما كده فانت ساعه لما تصلي ركعتين بِخلاف الفريضه بالنسبه لدماغي هيقول لي هتذاكر؟ ساعه لما اقرا شويه قران دماغي يقول شكله كده هيذاكر! ساعه لما اعمل القهوه يقول ده خلاص هيذاكر نركز بقى فدي الفكره وبعدين بتذاكر ال 45 دقيقه بتوعك.

نيجي بقى لحته المكافاه انت لازم تكافئ نفسك ستكون انت عملت مجهود كبير جدا او عملت حاجه محترمه فلازم تكافئ نفسك ازاي؟ بالحاجه اللي انت بتحبها شيكولاته مثلا تلعب شويه العاب على الموبايل تمسك فيسبوك مثلا تفكي يعني.

اعمل حاجه انت بتنبسط لما تعملها علشان تربط في دماغك ان دي عاده ان انا ساعه لما بجيب الموز واجيب القهوه واقرا شويه قران يبقى انا كده هذاكر طيب انا ذاكرت اعمل ايه بقى اعمل حاجه كويسه العقل بيعمل حاجه جميله جدا بيربط الحاجات دي ببعضها فهتلاقي ان المذاكره بقت حاجه ممتعه ودي حاجه غريبه جدا انت بتربط المذاكره بحاجه حلوه انت بتعملها.

تلخيص الكلام الكثير ده خلي لك تقوس في المذاكره قبل لما تذاكر خلي يكون لك طقوس يعني اي حاجه بقى بس خلي لك طقوس كل حاجه انت بتعملها كل مره جهز مثلا حاجه خفيفه في كلها اعمل كوبايه قهوه جيب موز او تفاح او اي حاجه اقرا شويه قران صلي ركعتين بس حاول تحافظ على الكلام ده في ترتيب معين بنفس الطريق.

 بعد لما تذاكر اعمل حاجه انت بتحبها كل  شكولاتة مثلا اطلع في البلكونه شويه اي حاجه انت بتحبها بحيث ان الموضوع ما يكونش ضغط عليك ولو انت ربنا كرمك وانت لسه بتكمل المقاله دى انا عارف ان المقاله طويلة ولكن حاولت قدر الامكان اضبط اكبر كم من المعلومات علشان انت تستفيد 

رابع حاجة هي فضي الضغط 

لو انت بتسخن شويه ميه على النار جبت حله وغطتها كويس بعد شويه الميه دي هتغلي بعد شويه الميه دي هتتبخر و هتلاقي الغطاء بيتهز ومتوتر و هينفجر ليه؟

في ضغط عليه مش مستقر كذلك انت انت لو خليت نفسك في مود المذاكره ده على طول هيبقى عليك ضغط كبير جدا فانت لازم تسرب الضغط ده.

عملوا اختراع في الغطاء بتاع حله الضغط هو عباره عن خرم صغير كده بيسرب الضغط الزياده او البخار الزياده في حتى والميه بتغلي وفيه بخار كثير بس الحله مبتتهزش والغطاء مش هينفجر والحله ثابته جدا رغم ان الخرم حجمه صغير جدا الا انه حاجه مهمه جدا.

 كذالك برده رغم ان تفريخ الضغط ده حاجه صغيره جدا مقابل المجهود الجبار اللي انت عملته ان انت دورت على الدافع وقعدت تقرا عن نفسك وفعلا فهمت الدنيا ماشيه ازاي وعملت نظام للمذاكره ولقيت الوقت والمكان الكويسين بس مسربتش الضغط الزياده هيجي لك مرحله وهتعمل ذي غطاء الحله زي لما يكون بيغلي.

فالفكره ازاي تفضي الضغط؟

باختصار الرياضه ما فيش حل ما فيش بديل غير الرياضه لازم تلعب رياضه ما فيش كلام اما انك تطلع تجري او تلعب اي رياضه بس حاول تعملها باستمرار يعني مثلا متجريش مره كل شهر ولا  كل اسبوعين يعني ثلاث مرات في الاسبوع على الاقل مثلا تروح جيم او بتطلع تجري.

وبالنسبه للبنات ممكن تنزلوا تطبيقات من على النت بتساعدكم ان انتم تتمرنوا من البيت لو مش متوفر جيم مخصص للبنات فدورى على التطبيقات دي وكمان سمعت ان غسيل المواعين بيريح الاعصاب بطريقه غريبه مش عارف الكلام صح ولا غلط بس في دراسه اتعملت علي الموضوع ده .

وخذ اجازه لازم تاخذ اجازه لازم تاخذ يوم كده تريح فيه يعني زي الناس بتوع الجيم لما بيروحوا يشيلوا حديد ويعمل الكلام ده هو الفكره في شيل الحديد ان هو بيكسر او بيدمر جزء من العضلات بعدين يستريح بقى فالعضلات دي تتكون بصوره اكبر واقوى.

 فكذلك انت محتاج تبذل مجهود كبير جدا جدا وبعدين تريح التريح ده مهم جدا مينفعش ان انت تذاكر سبع ايام في الاسبوع دي غلطه حاول تشوف يوم في الاسبوع يبقى راحه واستجمام اطلع رحله اطلع سفاري روح البحر اعمل اي حاجه انت تقدر تعملها.

خلينا نختصر الموضوع الطويل ده 

-اول حاجه الدافع هو اللي هيخليك تذاكر دور على الدافع. 

-ثاني حاجه اقرا كثير عن نفسك اقرا عن دماغك اعرف ازاي دماغك بيخزن المعلومه وازاي تقدر تستدعيها اعرف ان اي حاجه انت بتقراها متخزنه جوه دماغك الفكره ان انت تستدعيها اقرا كثير عن دماغك.

-ثالث حاجه المكافئه لازم تكافئ نفسك بعد لما تذاكر كده لازم تكافئ نفسك باي حاجه حتى لو حاجه بسيطه لازم تكافئ نفسك لازم يبان ان انت فعلا بتكافئ نفسك.

-رابع حاجه ان انت لازم تسرب الضغط ده بالرياضه لو الموضوع ده مش متاح بالنسبه لك ممكن تعمل اي تمرين في البيت بس حاول تعملها باستمرار زي ما قلت لك فيه تطبيقات كثيره للتمارين وفي النهايه خذ يوم راحه.

 المقال ده طويل انا عارف اتمنا ان انت يكون او كان معك ورقه 

وقلم وتكون اخذت ملاحظات