تقليل الإغتراب

 

دي طريقه ساعدتني ان انا اجيب 4.%98 في ثانيه ثانوي و99.4 في ثالثه ثانوي انا كمان بأحب لما حد يكلمني عن حاجه يوريني هو عملها ازاي واعتقد في الفيديوهات اللي انا شفتها كلها على اليوتيوب مشفتش حد بيحكي عن التجربه دي بالتفصيل يعني.

 وانا بحب التفاصيل جدا يعني انت كنت بتعمل ايه كنت بتستخدم قلم نوعه ايه عامل ازاي الاضاءه بتاعتك بتبقى عامله ازاي بتذاكر امتى الكلام ده انا بحبه بحب التفاصيل وانا مش عارف هو الموضوع حاجه سريه خلطه سريه زي خلطه كنتاكي مثلا ولا الموضوع ايه بالضبط بس النهارده انا بشارك معاكم الطريقه اللي كنت بذاكر بها في الثانويه العامه و اللي ساعدتني زي ما قلت لك ان انا اجيب مجموع كويس.

 وللعلم بس الحاجه دي انا مش باتكلم عنها عشان افتخر بها واقولك قد ايه انا كنت شاطر لا دي حاجه انا بشركها معك لربما تسعدك انت كمان.

اول حاجة

 كنت باصحى قبل الفجر بساعتين صيف وشتاء بقوم اتوضى واصلي قيام الليل و اقرا ربع قران وادعو ربنا ان هو يرزقني الفهم دي اول حاجه بعد كده كنت بدا بالحاجه المفضله لي اللي هي كانت في الوقت ده الرياضيات كنت ببدا بحل مسائل بسيطه انت لما بتبقى لسه صاحي من النوم مبتركزش دماغك ما اشتغلتش في ده حاجه زي ان انت بتسخن زي مثلا اللي هو هيلعب كوره او هيجرى بيبدا بتمارين تسخين بسيطة.

 فكنت ببدا بمسائل سهله بعدين بتدرج فى الصعوبه لحد لما احل مسأله محترمه بعدين ابدا ساعتها اذاكر الجزئيه اللي انا عايز اذاكرها على مدار اليوم كذا ماده مش ماده واحده بس كانت المواد متوزعه بين مواد فهم ومواد حفظ ومواد حل اي حاجه انت بتدرسها واقعه ما بين الثلاث حاجات دول او مشتركه ما بين حاجتين منهم.

ثاني حاجة

 مكنتش باخذ ماده واحده من اول اليوم لاخره علشان هتزهق وتمل, حاول تنوع من الموضوع ده وكنت بذاكر لحد صلاه الفجر وده طبعا بيكون استراحه كويسه جدا انك بتنشط جسمك انك بتروح تصلي وتيجي وإنك برده بتفصل من المذاكرة برجع من الصلاه اكل حاجه خفيفه بعدين اكمل لحد الصبح.

 ثالث حاجة

 وبعدين لو في درس او حاجه زي كده بروح وانا كنت معتبره استراحه جميله جدا برده انت بتذاكر وبعدين بتاخذ استراحة اهو انا بالنسبه لي الدرس مكانش حمل علي الاطلاق, لا بالنسبه لي كان استراحه كويسة انك بتروح تقابل اصحابك تتكلموا تهزروا.

 و حاجه لذيذه كنت بعملها قبل الدرس بنصف ساعه ان انا براجع اللي احنا اخذناه الحصه اللي فاتت وبقرأ اللي اخذه الحصه دي بمعنى ان انا رايح مثلا درس عربي هناخذ نصوص فكنت بقرا اللي احنا اخذناه في النصوص الحصه اللي فاتت يعني مثلا لو نص شعري فكنت بقرا نبذه عن الشاعر بقرا النص اشوف معنى الكلمات مواطن الجمال والكلام ده كله بتاع الحصه اللي فاتت.

 وبعدين الحصه اللي لسه هناخدها كنت باقرا نبذه سريعه عن الشاعر وقراءه النص واشوف معاني الجمل طبعا انت ما بتكونش فاهم اي حاجه انا ما كنتش بفهم حاجه من اللي بقراه 25% ده مقدار استيعابي للدرس ده ولكن بيتكون عندك اسئله.

 انت بتكون رايح الدرس قراته قبل كده وبيكون عندك حاجات بالنسبه لك عايز المدرس يشرحها لك او يفهمها لك انت بالنسبه لك مش رايح اول مره تسمع الحاجات دي والموضوع هيبقى من ممتع بالنسبه لك انت قراته قبل كده و هتجاوب معه وتساله فالموضوع هتبقى متفاعل وسهل قوي من ناحيتك وكمان الموضوع هيثبت في دماغك اكثر لانك بتاخد وبتدى وبتسال سؤال فالموضوع بيثبت في دماغك.

 مش انت بتاخذ حاجات غريبه عنك وبتركنها وبتقول لما ذاكرها ابقى افهمها مهم جدا جدا حته ان انت تقرا اللي انت رايح تاخذه حتى لو ما فهمتش منه حاجه.

رابع حاجة

 كنت بخلص موضوع الدرس ده او الدرسين كنت برجع مثلا على الظهر كده وقت القيلوله بقى دي حاجة مهمه جدا جدا كنت بنام من الظهر لحد العصر وكنت بقوم فايق جدا ومُنتعش وجاهز ان انا اذاكر ثاني وكنت بذاكر من العصر لحد المغرب بس كده انا يومي بالنسبه للمذاكره انتهى.

خامس حاجة

 بالنسبه من المغرب لحد بعد العشاء بشويه كنت بطلع اتمرن مع صديق ليا واقابل اصحابي والكلام الجميل ده و كان يعتبر تريح من المذاكره وان انت اصلا بتجري او بتلعب رياضه هرمون الاندروفين بيفرز في دماغك وده هرمون السعاده هيخليك منتعش ورائق انا متاكد ان الناس الرياضين او اللي بيجروا فاهمين الكلام ده كويس ولو انت مجربتوش لازم تجرب, جرب تنتظم في الجري وتطلع تجري كذا يوم هتحس بسعاده وهتحس ان الضغط اللي عليك بيروح الموضوع مفيد لعقلك ولجسمك و كل حاجه يعني.

 بكل حال من الاحوال ما كنتش بعدي الساعة 11:00 في السهر وده لسبب ان اول حاجه ان انا كنت قرأت ان تركيزك بليل بينخفض للنصف تقريبا بعد الوقت ده وثاني سبب ان انا قلت لك اللي انا باصحى قبل الفجر بساعتين فلازم انام بدري علشان اصحى قبل الفجر بساعتين فدا تلخيص ليومي في الثانويه العامه.

ملاحظات

 في بقى ملاحظات كنت بعملها اللي هي كنت كل 45 دقيقه باخذ استراحة 15 دقيقه يعني انت قاعد على المكتب قدامك منبه او ساعه مثبته على 45 دقيقه وبعد كده يرن بعد ال 45 دقيقه كنت بفرد ظهري بلعب ضغط بقوم اقف في البلكونه بحيس تريح عينك لانك مقرب الكتاب من عينيك فالبعد البؤري بتاعك ثابت لفتره طويله فانت محتاج تغيره يعني محتاج ان انت تبص لحاجه بعيد علشان تغير البعد البؤري علشان عينك متوجعكش.

 ثاني ملحوظه ان انا كنت باكل فاكهه كثير سيان تفاح او موز و التصبيرة  سندوتشات تونه لاني قريت انها بتساعد على زياده الاستيعاب وتنشيط الدماغ والكلام الجميل ده كنت باكل سمك كثير عموما في فتره الثانويه علشان كنت قرات برده ان السمك مليان اوميجا 3 بتساعد على زياده نشاط المخ.

 اشرب الحاجه المرتبطه عندك بالتركيز يعني لو مثلا انت لما بتشرب قهوه بتبقى فائق ومركز اشرب قهوه, شاي او نسكافيه او اي حاجه مرتبطه عندك بالتركيز ساعه لما بتشربها بتبقى مركز اشربها او ابدا جلسه مذاكرتك بيها.

 مكنتش ببدا بعد الاكل مباشره مذاكره لان بعد الاكل الدم بيروح للمعده بقى فانتا بتشعر بنوع من التريح فانت لو مركز وعينك مفتوحه هتلاقي الاكل خلاك تغمض سن كده عامة الاكل بيخلي الدم كله يروح للمعده وبيبقاش في تركيز فمكنتش بذاكر بعد الاكل خالص.

 الصلوات الخمسه كانت بتبقى الصراحه جميله جدا جدا جدا فانت لو كنت بتذاكر وبعدين لقيت العصر بياذن رحت صليت وبعدين رجعت في دي تعتبر استراحة لوحدها تطلع تتمشى تقابل الناس وتكلمهم فكرة كويسة جدا.

 يوم اجازه مبعملش فيه اي حاجه خالص ما بفتحش كتاب ولا الكلام ده خالص بطلع مع اصحابي, ازور قرابي, العب كوره كنت من عصر يوم الخميس لحد يوم الجمعه م كنتش بذاكر فيهم اي حاجه ولا باعمل اي حاجه خالص اعمل الحاجه اللي انت بتحبها بقى انت استحقيت اليوم الاجازه ده وبيساعدك ان هو بيجهزك للاسبوع الجاي عشان تدخل نشيط. 

ندخل بقى للجزء الاهم اللي هو لو انت عملت كل الخطوات دي هتجيب معك و هتنفع معك زي ما نفعت معيا الاجابه مش شرط هي ممكن تشتغل وممكن لا وتوضيح الاجابه الغامضه دي هو اجابه على سؤال ثاني هو ازاي انا توصلت للروتين والطريقه دي في المذاكره وازاي انت تقدر تتوصل لافضل طريقه او افضل روتين للمذاكره بالنسبه لك انت لان مش اللي نافع بالنسبه لي بالضروره ينفع بالنسبه لك لكن في طريقه هي الافضل بالنسبه لك اتمنى اللي انت تكون استوعبت الكلام ده والكلام ده عباره عن اُسس لو انت إتبعتها هتقدر توصل لافضل طريقه للمذاكره لك انت ان شاء الله وده موضوع المقاله اللي جايه انشاء الله علشان مطولش عليك ده يادوب تسخين علشان اقول لك الناس كانت بتذاكر ازاي وأسخنك ان انت تقدر تذاكر زيهم والكلام ده المقالة الجاية ان شاء الله عن ازاي انت تقدر تختار افضل طريقه بالنسبه لك انت