تقليل الإغتراب

 

 

للاسف معظم الانظمه التعليميه بتعتمد على الحفظ بدل من الفهم والاستيعاب والابتكار وانت ممكن تكون ذكي بس انت مبتعرفش تحفظ او انت ذاكره سمكة ضعيفه و للاسف مضطر تتعامل مع النظام العقيم ده علشان تعدي من مرحله لازم انك تعديها تعمل ايه؟

 

 السلام عليكم ورحمة اله وبركاته ايه الاخبار ان شاء الله النهارده هتعرف ازاي تحفظ كم كبير من المعلومات بمجهود قليل تتذكرهم بسهوله انا عارف ان ممكن ده يكون اسلوب تسويق رخيص زى معظم الاعلانات اليومين دولا على التليفزيون.

 بس يعني الشيء الكويس ان الكلام ده حقيقي مش مجرد دعايه في الهواء اللي هيخليك تتذكر او تحفظ الكم الكبير من المعلومات من غير ضغط نفسي وان انت تنساهم على طول اي حاجه اسمها  النيمونكس.

 

النيمونكس  Mnemonics

 اقرب ترجمه لها باللغه العربيه هي فن الاستذكار موضوع النيمونكس ده موضوع كبير جدا ومليان تركات مختلفه و مناسبه لنوعيات مختلفه من المعلومات اللي مفروض تحفظها بسهولة.

 

 هحاول قدر الامكان ابسط الموضوع وعلشان تستوعب الموضوع او علشان تتعلم ازاي تقدر تفتكر المعلومات اللي انت قراتها او حفظتها قبل كده لازم الاول نعرف ازاي دماغنا بيخزن المعلومات الجديده.

 

 دماغنا الجميل ده في اكثر من 100 مليار خليه عصبيه او نيرون واعتقد ان معظمنا ممكن يكون درس الخلايا العصبيه في المرحله الاعدادية تقريبا.

 

 لما بتيجي تحفظ حاجه جديده اول ما بتحتاج  تحفظ معلومه معينه في الذاكرة وصله بتتكون ما بين خليتين عصبيتين والمعلومه اللي انت عايز تحفظها في الذاكره اتحطت في الوصله دي الوصله دي هيا اللي حافظه المعلومه دي.

 

 وزي ما معظمنا عارف ان زي  لما في حاجه اسمها الذاكره قصيره المدى في الذاكره طويله المدى الذاكرة القصيره المدى تمتد من بضع ثواني لبضع دقائق الذاكره طويله المدى بتمتد لاطول من كدا لحد لما تموت.

 

 مثال: حاجه تمثل الذاكره قصيره المدى ان انت مثلا قاعد في بنك وفي حد اتنادي اسمه الاستاذ (محمد عبد السلام) مثلا فممكن تفتكر الاسم لفتره قصيره وبعدين تنساه لانه مش مهم بالنسبه لك فانتا بتخليك فاكره شويه لكن بعد لما تطلع من البنك وتروح البيت تنام تصحي ثاني يوم انت مش فاكر ان في حد اسمه (محمد عبد السلام).

 

 لان المعلومه مش مهمه بالنسبه لك دماغك بيطردها ويعمل لها حذف والوصله ما بين الاثنين نيرون اللي كونوا المعلومه دي بينفصلوا والذكرى بتفقد الى الابد.

 

نقل المعلومه من الذاكره قصيره المدى الى الذاكره طويله المدى

 علشان تنقل المعلومه الجديده دي من الذاكره قصيره المدى الى الذاكره طويله المدى لازم تعيد وتكرر المعلومه دي اكثر من مره كل لما بتعيد المعلومه وكل لما تكررها كل لما الربط بيكون اقوى كل لما تعيد وتكرر وتجدد فيه المعلومه دي كل لما الربطه بتكون قويه وكل لما بتزيد المعلومه بتبقى محفوظه كويس.

 

 كمان كل لما ربط المعلومه الجديده دي بحاجات انت عارفها اصلا وثابته عندك في الذاكره طويله المدى كل لما كان ربط المعلومه الجديده دي اسهل وده مبدا مهم جدا جدا ويمكن هو ده اللي بيدور حواليه اللي احنا هنقوله النهارده انك تربط المعلومه الجديده دي بحاجه عندك ثابتة في الذاكره وصعب انك تنساها او قد يكون مستحيل انك تنساها.

 

 فبالتالي لو احتجت تفتكر المعلومه الجديده اللي محفوظه دي بتروح للمعلومه اللي عندك اصلا وبعدين تمشي على الرابطه اللي بين النيرون فتفتكر المعلومه الجديده اللي انت حاطتها قبل كده.

 

 ممكن مثال يوضح لك قد ايه موضوع ربط المعلومات الجديده دي بحاجات راسخه عندك بيثبتها وبيخليه صعب جدا ان انت تنساه لو عندنا مركب وعايزين نربطه في عمود في الميناء فلو انت ربط الحبل اي كلام كده اي شويه موج هيجوا وياخدوا المركب ده ويمشوا ولكن لو ربطته باكثر من عمود كويسين وبحبل كويس او جنزير كويس اياً كانت الظروف طول ما العمود ده راسخ طول لما المركب هيفضل في مكانه و هتروح وتيجي تلاقيه مستنيك في العمود او الحاجه اللي انت ربطه فيها.

 

 المركب ده هو المعلومه الراسخه في دماغك اللي صعب انك تنساها فبالتالي عايز تثبت المعلومه الجديده روح عند العمود هتلاقي المركب بتاعتك.

 

 اتمنى ان الشرح المقتضب جدا ده يكون وصلك الدنيا ماشيه ازاي ارجع بقى للنيمونكس اللي هو الموضوع المقاله اصلا النيمونكس هي اداة بتساعدك في تذكر المعلومات الجديده من خلال ربطها بحاجات يسهل تذكرها مثال على الموضوع ده عملناه فيه مقاله ذاكر اقل ذاكر بذكاء.

 

 وهو الدوال الهندسية الموجبه في كل ربع من المستوى الاحداثي اللي هو الربع الاول كل الدوال موجبه الربع الثاني جيب الزاويه الربع الثالث ظل الزاوية الربع الرابع جيب تمام الزاويه صعب ان انت تربط بين الحاجات دي و تنساهم فجمعنا له حاجة كده تسهل انك تتذكروا من خلالها وهي جمله (كل جبار ظالم جته داهيه) فتقدر تفتكر الدنيا دي كلها من خلال الجمله دي لو انت في الثانويه العامه في اكيد مرت عليك حاجه زي دي.

 

 مثال اخر الثلاثه اللي تخلفوا عن غزوه تبوك هم (مراره بن الربيع ,كعب بن مالك, هلال بن اميه) الثلاثه دول انا حافظهم ازاي انا اخذت اول حرف من اول كل اسم وكونت بها كلمه (مكه) فانا ساعه لما احاول ان انا افتكر اسماء الثلاثه مش هقعد اقول مين مين من الصحابه اللي تخلف افتكر مكه.

 

 

 المهم انك بتحاول تالف حاجه كده من عندك او تبذل شويه مجهود صغيرين خالص علشان تربط المعلومه دي بحاجه جديده سهل تتذكرها لو عندك سؤال في اجابته خمس نقط مثلا فانت هتقعد تكرر الخمس نقط بس ما فيش طريقه هتخليك تحفظهم كده كده هتنساهم وهيسقط منك اثنين او ثلاثه.

 

 بس علشان تحفظهم كلهم او متنسهمش خالص حاول تكون كلمه من الحروف الاولى لكل نقطه يعني شوف اول نقطه شوف اول حرف ايه من اول نقطه والنقطه الثانيه والنقطه الرابعه وهكذا وكون كلمه ممشيتش معك خذ كلمه من كل نقطه وحاول تكون جمله سهل انك تتذكرها وتربطها بالسؤال ده.

 

 بكده هتقدر تخزن كم كبير جدا من المعلومات وتقدر تتذكر كل المعلومات دي واخيرا حاجه انا عملتها فعلا واستخدمت فيها النيمونكس وساعدتني جدا, انا مهتم شويه بالتاريخ كان عندي مشكله في الدول اللي حكمت العالم الاسلامي يعني مثلا هل الامويين جم بعد الفاطميين ولا العباسيين جم قبل الايوبين فالدنيا ماشيه ازاي.

 

 افتكرتهم بسهوله جدا من جمله (معفي مع الشكر) كل حرف منها بيعبر عن دوله(م-ع-ف-ي  م-ع الشكر) فهم الدوله الامويه(م) الدوله العباسيه(ع) الدوله الفاطميه(ف) الدوله الايوبيه(ي) دوله المماليك(م) الدولة العثمانيه(ع).

 

 

 تلخيص الموضوع 

ان انت متحاولش تحفظ المعلومات جافه و ملهاش اي معنى بالنسبه لك حاول في تشخصان الموضوع حاول تكون لها حاجه من عندك تربطها بيها كل لما ربط المعلومه الجديده بحاجات عندك سهل انك تتذكرها كل لما تحاول.

 

 وهتلاقي المعلومه دي موجوده و فاكرها ولما تجيلها هتلاقيها زي المركب لو ربطه كويس في العمود هتروح عند العمود هتلاقي المركب بتاعك.

 

 موضوع النيمونكس ده كبير وصعب ان احنا نكتبه في مقال واحد فحاول انك تدخل على النت وحاول انك تتمرن انك تكون النيمونكس للمعلومات اللي انت المفروض انك تتذكرها صدقني لما تبدا تعمل الموضوع ده هيخليك تقدر تحفظ اي حاجه بسهوله