تقريبا كلنا بنبقى عايزين نحقق حاجه في حياتنا ممكن تكون حاجه بسيطه زي انك تقرا كتاب او تتعلم مهاره جديده متوسطه الصعوبه زي انك تخس بعض الوزن او حاجه صعبه جدا زي انك تلزم نفسك بالمذاكره.
في العاده كلنا بنبتدى متحمسين ممكن علشان اتفرجنا على فيلم او تفرجنا على فيديو تحفيزي او حد يعني ادانا كلمتين في جنبنا كده احنا بنبدأ متحمسين جدا وهنكسر الدنيا لكن للاسف بعد فتره الحماس ده بيقل والتزامنا بتحقيق الهدف بيقل تدريجيا لحد لما بنوصل تدريجيا اننا مش قادرين فعلا نحقق الحاجات اللي احنا عايزين نحققها.
ان شاء الله المقاله دى تسعدك زي لما ساعدتنى المعلوات دي فى تحقيق حاجات كثير كان نفسي احققها من خلال معرفتي بالاهداف الذكيه.
السلام عليكم ايه الاخبار ان شاء الله النهارده هنتعلم ازاي تحط لنفسك اهداف ذكيه قبل ما نبدا بس معلش هات ورقه وقلم خذ شويه ملاحظات لان الكلام ده مهم جدا جدا جدا و ممكن يغير حياتك للابد تمام؟
علشان تحط هدف زكي لازم يكون له خمس صفات وهم:
· محدد
· قابل للقياس
· قابل للتحقيق
· مرتبط بالمرحله
· محدود بالوقت
تمام خلينا نعدي كده على كل صفه ونتعرف عليها اكثر وعلشان الموضوع يبقى واصل لكم بصوره واضحه هناخذ مثالين و نطبق عليهم الخمس صفات الاول واحد مش عايز يذاكر وثاني مثال حد عايز يذاكر.
بصوره واضحه هناخذ مثالين و نطبق عليهم الخمس صفات الاول واحد عايز يذاكر وثاني مثال واحد عايز يعيش حياه صحيه اللي هو تقريبا كلنا كلنا عندنا مشاكل مع المذاكره وكلنا عايزين نعيش حياه صحيه تمام.
الاول:صفه محددة
مينفعش تقول انا عايز اذاكر ده مش هدف زكي ما ينفعش تقول انا عايز اعيش حياه صحيه ده برده مش هدف زكي لازم تحدد هتذاكر ايه والله انا عايز اذاكر فيزياء دلوقت انت حددت بقى الهدف محدد مش هذاكر وخلاص.
انا عايز اعيش حياه صحيه ده هدف مش محدد لكن انا عايز اخس ده هدف محدد خلاص انت حددت الهدف عايز اخس ده محدد.
ثاني صفه قابل للقياس
فمثلا المذاكره تقول انا هذاكر فزياء الفصل الثالث اللي هو 20 صفحه خلي التحديد بتاعك دقيق جدا انا هذاكر الفصل الثالث اللي هو عباره عن 20 صفحه.
انا هخس قد ايه يعني انت لما تخس فعلا الكم ده نقول فعلا ان انت انجزت 100% من الهدف بتاعك والله انا هخس 5 كيلو دلوقت نقدر نقيس بيحس ان انت لما تخس 2 كيلو ونصف يبقى انت كده حققت 50% من الهدف بتاعك.
اذاكر فيزياء الشابتر الثالث اللي هو 20 صفحه وهخس 5 كيلو بقى الهدف كده محدد و قابل للقياس.
الصفة الثالثه قابل للتحقيق
يعني تقول انا هذاكر الفيزياء كلها في قاعده واحده, مش هتعمل حاجه, او انا اخس 20 كيلو الاسبوعين الجايين حاجه غير قابله للتحقيق او مثلا انا هكسب مليون جنيه الشهر الجاي في المشروع اللي انا لسه فاتحه الشهر اللي فات حاجه مش منطقيه.
خلينا نوضح الفرق ما بين حاجتين مهمين جدا ان انت يكون عندك طموح وطموحك ده فوق السحاب وان انت يكون عندك اهداف واهدافك دي تكون قابلة للتحقيق خلي طموحك فوق السحاب لكن اهدافك لازم تكون واقعيه علشان تقدر تحققها ده معنى قابل للتحقيق.
الصفة الرابعه: مرتبط بالمرحله التي انت فيها
في اهداف ممكن تبقى حلوه جدا وشكلها من بره جميل ولكنها للاسف مش مرتبطه بالمرحله اللي انا فيها وفيه حاجات اهم انا محتاج ان انا اركز عليها زي مثلا حد في الثانويه العامه وعايز يتعلم اللغه اليابانيه شيء جميل ان انت تعلم لغه جديده لاسيمه اللغه اليابانيه انا باحبها اصلا يعني بس هل هو مرتبط بالمرحله اللي انت فيها دلوقتي؟
ولا تركيزك على اللغه الانجليزيه ان انت تحسن اللغه الانجليزيه بتاعتك له الاولويه؟
اليابانيه جميله مقلناش حاجه بس الانجليزيه لها الاولويه ومرتبطه اكثر بالمرحله التي انت فيها والمراحل اللي جايه هتحتاجها لما تيجي تقدم على شغل هتحتاجها لو هتقدم على مهنة هتحتاجها في حياتك عامه هتحتاجها علشان تتعلم حاجه جديده اون لاين فخلي الهدف بتاعك يكون مرتبط بالمرحله اللي انت فيها ما يكونش منفصل تماما او ملهوش لازمه حاليا يبقى الهدف لازم يبقى مرتبط بالمرحله اللي انت فيها.
الصفا الخامسه: محدود بالوقت
والله انا عايز اخس 5 كيلو شيء عظيم بس انا قدامي 30 سنه ممكن اخس فيهم الخمسه كيلو دول بالعكس هتزيد لازم يكون فيه مدة زمنية و انت احكم الموضوع علشان فعلا تنفذوا ويبقى عليك شيء من الضغط او من الدفع ان انت تنجز الحاجه دي.
لكن الفكره ان انا عايز اذاكر الفيزياء الشابتر الثالث اللي هو 20 صفحه من الساعه اربعه للساعه خمسه حلو قوي من الساعه اربعه للساعه خمسه انت كده حددت الموضوع يبقى هتبدا الساعه اربعه وهتخلص خمسة كده انت صح.
انا عايز اخس 5 كيلو في الثلاثين يوما الجايين كده انت صح انت حكمت نفسك بوقت دلوقت في ساعه بتلف وبتعد عليك انت كده هتنزل في الوزن.
دول خمس صفات اللي لازم تحفظهم زي اسمك وتتعود انك فعلا لما تيجي تحدد هدف اول ما تيجي تحدد حاجه انت عايز تنجزها تعدهم على خمس صوابع
· واحد محدد
· اثنين قابل للقياس
· ثلاثه قابل للتحقيق
· اربعه مرتبط بالمرحله اللي انت فيها
· واخيرا تحديد وقت
مهمين جدا جدا جدا يعني زي لما قلنا قبل كده انا هذاكر فيزياء الفصل الثالث اللي هو 20 صفحه من الساعه اربعه للساعه خمسه ده هدف محدد اذاكر فيزياء قابل للقياس الفصل الثالث اللي هو 20 صفحه من الساعه اربعه للساعه خمسه محدد بوقت و قابل للتحقيق ان انا ممكن اعمل الموضوع ده ومرتبط للمرحله اللي انت فيها اللي هو انت الثانويه وعايز تذاكر.
عايز اخس 5 كيلو في 30 يوم انا حددت الموضوع انا عايزه اخس قابل للقياس 5 كيلو محد بوقت 30 يوم الهدف على بعضه قابل للتحقيق وهو مرتبط بالمرحله اللي احنا فيها اللي هي عامه احنا عايزين نعيش حياه صحيه وعايزين نبقى احسن مش عايز انهج وانا بطلع السلم مش عايز رجلي توجعني لو وقفت كتير.
كده فعلا تبقى تنطلق والهدف قدامك واضح ركز وهتقدر تحققه ان شاء الله مع الوقت ان شاء الله لو ركزت على الاهداف الذكيه دي وبدات فعلا تستخدمها في اي هدف انت بتحدده بعد كده هتبقى حاجه طبيعيه جدا او حاجه لا اراديه هتلاقي اي هدف انت بتحطه انت بتحطوا انت تاخذ بالك من الحاجات دي.
الحمد الله وصلت بالسلامة لاخر سطر اتمنى انك استفيد من المقالة دي
وشكراً
إرسال تعليق