السلام عليكم ان شاء الله النهارده هنتكلم عن الثانويه العامه للاسف ما فيش تغطيه كامله من ناحيه طرق المذاكره التعامل مع الضغط ضغط الاهل, المجموع, الكليه اللي هتخشها ابي عايزني ادخل طب و امي عايزاني اخش هندسه عمتي بتقول لي خشي صيدله.
وللاسف ما فيش احد مهتم انت عايز ايه المقاله دى استكمالا لمقالات قبل كده كتبناها عن الثانويه العامه اللي غطينا فيها معظم المشاكل ومعظم الطرق اللي ممكن تتعامل بها مع الثانويه العامه هي حاجه شبه سلسله.
النهارده هتكلم عن الثانويه العامه من وجهه نظري انا في شخصيتين جواك الاولاني الشخصيه اللي بتقول لك ذاكر للثانويه العامه ودي مستقبلك وحياتك والكلام الجميل ده وده غالبا بيكون وقت الدراسه او في فتره الامتحانات.
والنوع الثاني اللي بعد الامتحانات وبعد ظهور النتيجه يقول لك ان الثانويه العامه مش نهايه المطاف واياً كانت الكليه اللي هتخشها هم ثلاث اربع سنين و هتقضيهم وفي المقالة ديه هحاول اقدم تصور موضوعي شويه من وجهه نظري عن الثانويه العامه من خلال الاجابه على اربع اسئله وهم:
السؤال الاول هل الثانويه العامه هي نهايه المطاف.
هل الثانويه العامه هي اللي تحدد مستقبلك.
هل الثانويه العامه هي اصعب مرحله هتمر بها وما بعدها اسهل.
وهل صعب انك تجيب مجموع كويس في الثانويه العامه.
السؤال الاول هل الثانويه العامه هي الطامه الكبرى؟
الاجابه:هي مجرد البدايه.
من خلال التغطيه الاوفر على موضوع الثانويه العامه ده بتحس ان الثانويه العامه هي الطامه الكبري مبتبقاش شايف الا هي رغم انها مش كده خالص الموضوع شبه يدي (ايدي) مثلا صغيره مقارنه بباقي جسمي لكن لو حطيتها قدام عينك على طول هتحجب نظرك بالكامل ومش هتبقى شايف غيرهم وكذلك موضوع الثانويه العامه.
التغطيه الاوفر والضغط من الاهل والضغط من المجتمع عامه بيخليك تخاف من الثانويه العامه رغم ان الثانويه العامه ما هي الا جسر تعديه علشان توصل للجامعه يعني الثانويه هي تعليم لازم تاخدوا علشان تبقى مؤهل انك تاخذ التعليم اللي في الجامعه.
في الجامعه مش بيبدا معك من A B C لا هو معتمد ان في اساس انت درسته في الثانويه العامه في بيبدا يبني عليه فيه مشكله كبيره في المجتمعات الناميه زي حالتنا هنا في مصر ان بالنسبه الطبقه المتوسطه التعليم الكويس هو تذكرتهم للرقي المادي او لتحسين مستوى المعيشه.
لانه بيعلم ابنه وبيصرف عليه جامد جدا علشان يدخله كليه من كليات القمه اذا كان طب او هندسه او صيدله او خلافه بحيث ان هو لما يتخرج ياخذ موقع وظيفي كويس يقبض مرتب كويس يحسن المستوى المعيشي للاسره.
ولكن اتصور ده معدش كده خالص مع التغيرات الاقتصاديه اللي بتحصل ومع انتشار الفري لانسر على الانترنت بقى الموضوع مختلف تماما عن الاول.
هل الثانويه هي اللي بتحدد مستقبلك؟
الاجابه المختصره لا,
لكن الاجابه المفصله انها بتتحكم بجزئيه في مستقبلك بمعنى ان حيز تاثيرها بيبقى على الاربع او الخمس سنين اللي بعد الثانويه العامه معنى ان انت مثلا دخلت معهد بعد الثانويه العامه فانت هتدرس ثلاث سنين, دخلت كليه مثلا زي تجاره اربع سنين, هندسه او صيدلة خمس سنين, طب سبع سنين.
فالموضوع هو ده حيز تاثير الثانويه العامه وسواء كان اربع او خمس او ست سنين فدول مش مستقبلك خالص يعني مستقبلك لسه بعد كده بكثير فالثانويه العامه مش هي اللي بتحدد مستقبلك هي حاجه عامله زي فرصه لاكتشاف نفسك او اكتشاف انت بتحب ايه و اكتشاف قدراتك قد ايه.
بمعنى ان انت مثلا لو اديت لواحد كيميائي ماده هو ما يعرفهاش بيبدا بقى يعرضها لاحماض بيبدا يعرضها لمحاليل بيبدا يعرضها لحاجات مختلفه علشان يعرف ماهيه الماده دي بيشوف الماده بتتفاعل ازاي مع الحاجات دي ومن خلالها بيعرف الماده دي ايه.
كذلك انت برده في الثانويه العامه بيتعرض للمواد زي الرياضيات, والاحياء, والفيزياء, والتاريخ لاخره وبعدين انت بتشوف انت بتحب ايه يعني ممكن تكون بتحب الرياضيات وانت مش عارف ممكن يكون عقلك الرياضيات دي سهله بالنسبه له.
ممكن تكون بتحب الادب والنصوص والروايات والكلام ده.
ممكن تكون بتحب التاريخ والحاجات دي.
فالفكره ان دي فرصه ان انت تكتشف الحاجات اللي انت بتحبها وتحاول توظيفها وتجرب اكتشاف نفسك او تجربه اكتشاف الحاجات اللي انت بتحبها.
السؤال الثالث هل الثانويه هي اصعب مرحله انت هتمر بيها وما بعدها ايسر؟
(انت لا تعرف شيء جون سنو)
دائما تسمع من اصحابك اللي اكبر منك بسنه او سنتين واحد بيقول لك الثانويه دي لعب عيال يا ابني احنا اللي بناخده في الكليه اصعب بكثير من الثانويه طبعا انت متشكك و مش مصدق ازاي يعني؟
هو في اصعب من كده الموضوع بكل بساطه ان المحتوى العلمي اللي في الكليه اضعاف مضاعفه للي انت بتاخدوا في الثانويه لكن الحمل اللي بيتشال من عليك هو الضغط اللي عليك.
الضغط اللي من الاهل من الاقراب والضغط من اللي حواليك من المجتمع اللي هو الضغط العصبي.
في الكليه يعني ما بيبقاش الضغط بالصوره دي انت رحت الكليه وخلاص يعني, لكن المحتوى العلمي او الماده العلميه اللي في الثانويه اسهل بكثير من الماده العلميه اللي في الكليه.
فمتصدقش اللي يجي يقول لك الثانويه دي تتعب بس شويه وبعدين هترتاح بعدين الكلام ده مش موجود الكلام ده لو صدقته ساعه لما تروح الكليه هتريح يعني ممكن تكون درجاتك كويسه جدا في الثانويه وجبت مجموع ممتاز ولكن بعد لما تروح الكليه انت خلاص مش هتذاكر.
انت حاطط في دماغك ان انت خلاص خلصت مذاكره المذاكره خلصت خلاص طب ماشي هذاكر بعد كده الثانويه العامه مش هي اصعب مرحله في حياتك.
السؤال الرابع هل صعب انك تجيب مجموع كويس في الثانويه العامه؟
بالعكس تماما الموضوع اسهل مما تتخيل حته ان التعليم عامه في مجتمعاتنا بيعتمد على التلقين فاضي زي ما هي حاجه سيئه جدا جدا من ناحيه التعليم الا انها ممكن تستخدمها لصالحك لانك اذكى من كده.
انت اذكى بكثير من الحاجات دي الموضوع مش محتاج شخص عبقري اكثر ما هو محتاج تكرار وتمرين يعني ان انت تكرر الحاجات كثير بحيث ان انت تستذكرها كويس وبالتالي هتنجح وتجيب مجموع كويس جدا.
خليني اقول لك مثال لو في اثنين توأم زي بعض في كل حاجه فيه واحد منهم بيتمرن نصف ساعه يوميا على الجري بيطلع كل يوم كده نصف ساعه يجري.
والثاني بيفضل قاعد مكانه مبيتمرنش وبعدين بعد شهر جبت الاثنين وخليتهم بيتسابقوا.
المنطقي ان اللي هيوصل الاول وانا اللي هيكون مش تعبان بعد لما يجري: اللي اتمرن, وكذلك الموضوع بالنسبه للثانويه العامه الموضوع لا محتاج لا ذكاء ولا عبقريه ولا الكلام ده خالص الموضوع ان اي حد ممكن يجيب مجموع كويس لو اخذ باله من البديهيات دي.
الخلاصه ان الثانويه العامه لا هي المطار ولا هي اللي بتحدد مستقبلك ولا هي اصعب مرحله هتقابلها في حياتك ولا الكلام ده خالص الثانويه العامه هي فرصه ان انت تقرا وتتعلم حاجات كثير وتكتشف انت بتحب ايه وتكتشف انت عايز تدرس ايه.
وحتى لو لقدر الله يعني بعد الثانويه العامه مجموعك مساعدكش انت تذاكر او تدرس الحاجه اللي انت بتحبها فالانترنت مليان كورسات في كل المجالات تقريبا وتقدر تاخذ كمان شهادات من جامعات بره من خلال الانترنت.
الموضوع بقى اسهل بكثير ومعدش الموضوع عليه ضغط عصبي ان انت خلاص دخلت تجاره فانت حياتك مكمله في المشوار ده ابداً.
الانترنت دلوقتي ممكن تشتغل فريلانسنج على الانترنت وتعمل فلوس اكثر 100 مره من لو انت كملت في المجال اللي انت مبتحبوش و الكلام ده.
المخزى من الموضوع ده ان انا مش عايزك تكون مضغوط خالص مش عايزك تبص للثانويه العامه انها (انتقام الكوبرا) الموضوع اسهل مما تتخيل متسمعش للناس اللي حواليك اللي بيقولوا لك الثانويه ومستقبلك وحياتك والكلام ده خالص.
مش كده تماماً حاول تستمتع بالمرحله دي عقلك في المرحله دي بيبقى لسه خام وبيبقى شاري المعلومات و بيبقى عايز يتعلم في حاول تستغل الموضوع ده يعني حاول تكتشف العالم اللي حواليك حاول تكتشف نفسك انت بتحب ايه شوف انت بتحب ايه
الحمد الله وصلت بالسلامة لاخر سطر اتمنى انك استفيد من المقالة دي
وشكراً
إرسال تعليق