تعال نتكلم عن مثالين كده في بدايه المقالة ممكن المثالين دول يوضحوا لك كل حاجه هتيجي في المقالة بعد كده عن شريحة إيلون ماسك Elon Musk – وشركة نيورالينك Neuralink
اول مثال
لما طلعت فكره الايباد والتابلت وامكانيه انك تقرا كتاب كامل من اي مكان من خلال جهاز صغير كده وفي نفس مساحه الكتاب هنا في اللحظه دي كنا بنلاقي بعض اصحابنا القراء الجامدين جدا يقولوا لك ايه ده انا اقرا في البتاع ده استحاله الكلام ده يا حبيبي ده تسيبوا للعيال (السيكي ميكي) ما احنا لازم نتعب علشان نجيب الكتاب احنا لازم نستمتع واحنا بنقلب الكتاب صفحه صفحه و نشم رائحه الورق هذه هي المتعه الحقيقيه،
دلوقتي صاحبك ده ممكن تلاقيه جايب الايباد ومبسوط بيه جدا ويقول لك ده فيه كميه كتب كبيره جدا و ببلاش فدا شيء كويس وعبقري
المثال الثاني
لما ظهرالموبايلات الصغيره ممكن تلاقي الجيل الكبير اللي هو والدك ووالدي مثلا يقولك استحاله، استحاله ان انا امسك موبايل واعلقوا هنا على الحزام زي العيال السيكي ميكي برده
بس تلاقي والدك دلوقتي في 2020 بيقول لك الله الموبايل ده في فيسبوك وتاتش وكده، ايه الحاجات الحلوه دي هو تقريبا ده اللي عملوا إيلون ماسك Elon Musk من يومين ثلاثه الله اعلم ممكن يكون ازاي التقنيه دي في بدايتها كده ان احنا امام تقنيه جديده لو لو لو حصلت وكملت اساسا ممكن فعلا تكون بوابه لثوره صناعيه مش هنعرف نلاحق عليها
السلام عليكم اهلا بكم في مقال جديده النهارده ان شاء الله هنتكلم عن شركه نيورو لينك و إيلون ماسك Elon Musk والابتكار الجديد الذي سوف يزرعه في الدماغ عايزين نعرف ايه البتاع ده اصلا و هيفيدنا بايه وهيضرنا ازاي وهيكسب إيلون ماسك Elon Musk كام وفي نقطه هيكسبوا كم مش هنقدر نقول ارقام محدده لكن هنحاول نتناقش شويه في المكاسب بتاعته وكمان هنتكلم عن ايه الفرق بينه وما بين المنافسين بتوعه هل هو فعلا عمل حاجه جديده ولا لا
معلومات وجب التنبيه لها
في بدايه هذا المقال لازم تبقى عارف الاتي ان اللي قدمه إيلون ماسك Elon Musk وشركة نيورالينك Neuralink من يومين ما هو الا وعود مش اكثر بيعمل حاله من التفاؤل والامل حول تقنية الله اعلم هتتعمل امتى ولا اذا كانت هتتعمل اصلا ولا لا
ومش معنى العرض اللي كان عامله وجايب فيه خنزير ورابطهم بشريحه والكمبيوتر يصفر ان كل اللي عمله ده كان حاجه جديده لا خالص الموضوع ده مش حاجه جديده ولا حاجه، العلماء اتقنوا الموضوع ده من سنين لكن برده الجديد والمثير عند علماء الاعصاب هو الشريحه نفسها وتصميمها وطريقه تركيبها هو ده الشيء العجيب
شريحة إيلون ماسك Elon Musk
و اول شيء لازم نتكلم عليه هو الشريحه نفسها هتعمل ايه بتشتغل ازاي شوف يا سيدي وعلى حسب فهمي البسيط للموضوع ولو اي خطا في كلامي اتمنى ان المتخصصين يصححوا تحت في الكومنتات شوف اي حاجه بتحصل حواليك بتشوفها بتسمعها بتحسها بتترجم في الاخر لاشارات وبتروح لمخك مخك بيبدا يحللها ويفهمها مثلا عينك دلوقتي مش هي اللي بتشوف لا دي مجرد اداة او جهاز بيجمع بيانات وينقلها للمخ
مخك بقى هو اللي يعالج البيانات دي ويفهمها ويعرف ايه بالضبط اللي انت بتشوفه حاليا مخك من الاخر ما هو الا مجموعه من الخلايا العصبيه اللي ممكن تتجاوز 100 مليار خليه عصبية
كميه اشارات كهربائيه بتحصل في دماغك مش طبيعيه والخلايا دي كلها المتصلة مع بعضها البعض وعاملين شبكه في دماغك وعاملة واصله فيما بينهم باستخدام اشارات كيميائيه فانت مثلا لو عايز تحرك يدك بيبدا مخك يشتغل جوه ويعمل حبه اشارات كهربائيه فتنتقل الاشارات دي ليدك وفي الاخر يدك تتحرك وهكذا بقى لو انت عايز تعمل اي حاجه كل حاجه عباره عن اشارات كهربائيه فالمفروض نظريا لو انت عايز توصل مخك مباشره بالكمبيوتر فانت عايز كم سلك توصلهم بدماغك وتوصلهم بالكمبيوتر وهو ده اللي شريحه إيلون ماسك Elon Musk بتعمله بشكلها المبسط
حجم شريحة إيلون ماسك Elon Musk
الشريحه عباره عن حاجه صغيره كده في نفس حجم العقله ويمكن اصغر شويه شبه العمله المعدنيه طالع منها شويه اسلاك رفيعه او خيوط رفيعه جدا قطرها اصغر بكثر من الشعر عشر مرات انتم متخيلين هم واصلين لاي مرحله الخيوط دي هيبدوا يوصلوها بمخك بطريقه معينه ومن خلال الخيوط دي الشريحه هتقدر تقرا الاشارات الكهربائيه اللي شغاله في مخك طيب الشريحه دلوقتي المفروض ان فيها بلوتوث فبالتالي يعني اي جهاز من الاجهزه اللي حواليك انت هتقدر تسيطر عليه وتتحكم فيه وتشغله بس بدماغك كده بمجرد التفكير
فمثلا انت دلوقت في العادي لو ماسك موبايلك في العادي بتاعك وحابب تشغل موسيقى مثلا اللي بيحصل في مخك في اللحظه دي بيبدا يبعث اشارات كهربائيه ليدك وصوابعك مثلا انها تتحرك بشكل معين تدوس على مشغل الموسيقى ده الطبيعي لكن مع وجود شريحه في دماغك فانتا مش هتبقى محتاج تمسك الموبايل او حتى يكون قريب قوي منك لان كل الي هيحصل ان مخك هيبدا يعمل اشارات كهربائيه ان هو عايز يشغل الموسيقى دلوقتي على التليفون فالاقطاب الكهربائية اللي موجوده اللي هي نازله من الشريحه الي شبه الخيوط فهتبدا تقرا الاشارات العصبيه دي وتبعثها للشريحه فالشريحه تفهم وتترجم والشريحه برده فيها بلوتوث تقدر تتواصل مع الموبايل بتاعك وتنفذ الامر اللي انت محتاجه اللي انت تشغل الموسيقى مثلا
هو ده اللي هيحصل ببساطه باستخدام الشريحه طبعا الكلام ده عند علماء الاعصاب المتخصصين مش حاجه جديده قوي هم بالفعل توصلوا لكل الكلام ده وفي شركات فعلا موجوده دلوقتي عندها تقنيات مشابهه لكن الجديد والمثير هو الشريحه نفسها و حجمها الصغير وطريقه زراعتها وكمان فكره الخيوط الرفيعه جدا اللي هتكون هي الاقطاب اللي تقرا الاشارات الكهربائيه في دماغك
الشركات المنافسه لشركه نيورالينك Neuralink
لو شفت مثلا الشركة المنافسه لشركه نيورالينك Neuralink اللي هي شركة يوتا اري Utah Array هتلاقي ان الاقطاب بتاعتها بالشكل المرعب اللي قدامك ده
على الرغم من انها حاجه صغيره جدا الشريحه اللي انت شايفها قدامك لكن هي فعلا شكلها مرعب لكن عند نيورالينك Neuralink وإيلون ماسك Elon Musk هتلاقي الاقطاب المستخدمه هي عباره عن خيوط مرنة (فيقال) انها مش هتسبب مشاكل للمخ على المدى البعيد كمان المهم بقى ان عدد الاقطاب عند يوتا اري utah array لكن المهم بقى ان عند شركة يوتا اري utah array اللي هي الشركه المنافسه تقريبا عدد الاقطاب 100 قطب لكن في شريحه إيلون ماسك Elon Musk ونيورالينك Neuralink هتلاقيها تقريبا 1024 ولسه الاصدارات اللي جايه ممكن يكون اكثر من كده بكثير جدا
فبالتالي كل لما كان اقطاب اكثر كل ما قدرت انك تحصل على اشارات اكثر واكثر من المخ وعلشان زراعه الشريحه دي محتاجه دقه متناهيه فنيورالينك Neuralink عملت روبوت كمان دقيق جدا بيزرع الشريحه دي ويقدر يعمل العمليه دي كلها في اقل من ساعه و تقوم تروح في نفس اليوم وامورك تمام
المكاسب المتوقعة لشريحة إيلون ماسك Elon Musk
بعدها هتسالني دلوقت وتقول لي حاجة شبه كده ممكن تكسب إيلون ماسك Elon Musk قد ايه او شركه نيورالينك Neuralink تكسب كم هاقول لك مستحيل ان حد يقدر يديك ارقام محددا لكن لو نجحت التقنيه دي ولو اتوافق عليها من الحكومات ودي لو كبيره جدا ساعتها ممكن نقدر نخمن المكاسب اللي شركه نيورالينك Neuralink دي ممكن تحققها والتخمين هنا هيكون متوقف على ما هو مدى خيالك بمعنى تقنيه زي دي المفروض انها تعالج امراض كثيره جدا فساعتها عد انت كميه الفلوس اللي هتيجي من القطاع ده
حته دخولك الكمبيوتر ودخولك على الانترنت من خلال الشريحه ساعتها هيخليك مش محتاج تمسك اي موبايلات في يدك ساعتها هيبقى بقى كميه الفلوس اللي هتجيء لك مكان كل الموبايلات دي
التعليم مثلا التعليم مش هيكون شبه دلوقتي اكيد التعليم هيكون متغير جدا بعد وجود الشريحه دي فعد انت برده كميه الفلوس اللي هتيجي من وراء القطاع ده
خذ بقى عندك شويه التطبيقات اللي موجودين عندك في الموبايل دلوقتي زي الترجمه مثلا انت لو مركب الشريحه دي ساعتها مش هتطر انك تتعلم اي لغة جديده انت كل اللي هتعمله انك تحمل اللغه في دماغك وخلاص تبدا تتكلم
انت اصلا ممكن متتكلمش انت هتبدا تعتمد على فكره التخاطر مع الناس اللي مركبين شريحه شبهك من غير ما تفتح فمك لو عايز تتواصل مع الناس ويعني الموضوع هيبقى جنان رسمي لو حصل الموضوع ده
فمثلا حاجه تانيه زي الخرائط تحمل كل الخرائط في دماغك فشكرا جوجل ماب Google Map كده انت و الله اعلم التطبيقات دي او الشركات دي وضعها هيكون عامل ازاي
طبعا حاجه كده زي الشريحه دي هتعزز التواصل مع اكثر من منتج من منتجات إيلون ماسك Elon Musk بي موجوده حاليا زي السيارات ذاتيه القياده اللي انت باستخدام الشريحه هتبقى جاهز خلاص انك تتواصل مع السياره فكره ان انتت يبقى عندك شاشه في السياره بتديك السرعه وكل المعلومات ديه مش هتبقى محتاج الشاشه دي في اي حاجه هتبقى في دماغك مش محتاج انت اي حاجه ثانية
شركته ستارلينك Starlink
برده موضوع الانترنت هنا هتبقى كل حاجه معتمده على الانترنت واللي هيوصل لك الانترنت هو طبعا هيكون إيلون ماسك Elon Musk من خلال شركته ستارلينك Starlink وانترنت فضائي و 5G يعني بشكل او باخر كل الكلام ده هيعزز من شركات إيلون ماسك Elon Musk الباقيه
بس سؤال بقى هو هيكسب كم يعني من الحوار ده، بلاش نسال السؤال ده لان فعلا هيحتاج مقالات كثير جدا لوحده والسؤال ده بصراحه هيخلينا نبدا نعيد تفكير من اول وجديد شركات عملاقه دلوقتي لكن شكلها كده في المستقبل القريب ممكن متكونش موجوده
الغرض من عرض إيلون ماسك Elon Musk
لازم تبقى عارف ان الهدف من الشوو اللي عملوا إيلون ماسك Elon Musk من يومين هو التوظيف هو عايز علماء اكثر موظفين اكثر يبدؤوا يساعدوه انه يعمل حاجه شبه كده ويطورها
حاليا عدد الموظفين نيورالينك Neuralink لا يتجاوز 100 موظف لكن التوقعات انه خلال الكام سنه اللي جايين ممكن العدد ده يوصل لاكثر من 10000 موظف يمكن اكثر من عدد الموظفين اللي في شركه سبيس اكس SpaceX
الموعد المتوقع لصدور شريحة إيلون ماسك Elon Musk
الكلام ده بقى هينقلنا لنقطه ثانيه او سؤال ثاني بعد كده هو امتى ممكن نقدر نشوف حاجه شبه كده متركبه فعلا على الانسان اقول لك برده مفيش مدى زمني واضح يمكن إيلون ماسك Elon Musk كان كتب تويتة كده انه خلال السنه دي ممكن يبدا التجارب السريريه علي البشر لكن بعد كده تراجع في الكلام ده واصبح دلوقتي غير واضح امتى ممكن يكون فيه جدول زمني علشان يبدا شغل على التقنيه دي لكن برده التكهنات راحه كلها علي ان التقنيه دي مش هتكون موجوده مثلا اقل من 10 ل 20 سنه جايين والاكيد بعد كده ان اللي هيوقف عائق قدام إيلون ماسك Elon Musk هي الموافقات الحكوميه وخاصه تصريح ال اف.دي.اي F.D.A او حاجه كده اسمها هيئه الغذاء والدواء الامريكيه اللي لازم تصرح بنزول منتج شبه كده او جهاز شبه كده او حتى اجراء التجارب على البشر فلسة الطريق طويل جدا جدا في الموضوع ده
خطورة شريحة إيلون ماسك Elon Musk
من بدايه معرفتي بالتقنيه دي وانا بسال نفسي سؤال مهم جدا دلوقت انت هتخلى بعض البشر يكونوا خارقين جدا او يكون فيه ناس اذكى بكثير جدا من ناس ثانيه هنا برده كنت بأرد على نفسي بعد تفكير عميق كده لقيت ان المشكله مش في التقنيه المشكله في البني ادم نفسه بمعنى انا وانت معانا نفس التقنيه دلوقتي لكن انت في الاساس بتفكر احسن مني بس ساعتها التقنيه دي كل اللي هتعمله انها تساعدك انت اكثر انك تفكر افضل وتوصل للي محتاجه اسرع مني لكن انا هيكون معي برده نفس التقنيه ومش هاعرف استخدمها زي ما انت بتستخدمها
الدليل على كده نجيبه من التاريخ يعني تقنين زي دي زيها زي اي تقنيه ظهرت قبل كده في العالم شوف مثلا اول موبايل ظهر اللي هو بتاع موتورولا - Motorola كان ب 10,000 دولار و10,000 دولار في الوقت ده كان رقم كبير جدا فالمفروض بقى ان حاجه زي ديه كانت هتدي افضليه لناس على ناس ثانيه لكن سرعان الموضوع تحول بسرعه كبرة جدا في خلال كم سنه التقنيه دي بدات تبقى رخيصه جدا وفي متناول الجميع ولسه في ناس لحد دلوقت مش عارفه تستخدم التقنيه دي افضل من ناس ثانيه
فالتقنيه عاجلا ام اجلا هتتوفر للكل لكن مش كلنا هنعرف نستخدمها زي بعض
حاجه ثانيه برده تثبت لك النقطه دي الا وهي الكمبيوتر انت متخيل وضع العلماء زمان كان عامل ازاي علشان يبحث عن معلومه واحده كان ممكن يقعد ايام وشهور يدقق في كل الكتب ويبحث فيها عشان يلاقي المعلومه دي وممكن يبعت يجيب كتب من بره تجيله بعد شهور او سنوات علشان تجي له معلومه واحده
وانت دلوقت بزرار واحد بتقدر تبحث عن اي معلومه بتخطر في خيالك عن طريق جوجل الامكانيات دي هي متاح دلوقت لاي بني ادم ومع ذلك لسه في ناس ما بتقدرش تستخدم التقنيه دي فالي انا عايز اوصله لك ان التقنيه دي لو اتعملت وبرده باقول لو هيوصل بيها الحال في الاخر الى انها تكون متاحه للجميع زيها زي الموبايل او اي تقنيه ثانيه وسعرها في البدايه هيكون غالي شويه صحيح لكن بعد كده هيبدا ان هو يرخص ويكون في المتناول
سعر شريحة إيلون ماسك Elon Musk
وعلى حسب كلام إيلون ماسك Elon Musk في نقطه التسعيرة دي فهو قال ان التقنيه مع العمليه مع الزرع مع كل الكلام ده ممكن في الاخر تتكلف كم الف دولار اللي هو زيها زي الموبايل والكمبيوتر واللابتوب والحاجات دي وزي ما الناس مثلا بتاخذ قروض علشان تجيب موبايل او تشترى مثلا بالكريدت كارد وتقسط ممكن تعمل كده مع التقنيات الجديده
الاختراق والتحكم بشريحة إيلون ماسك Elon Musk
هنا انت هتقول لي دلوقتي بس يا عم انا دلوقت اصبحت عرضه للاختراق والسيطره على تفكيري اقول لك صح ودي مصيبه كبيره جدا وتحدي كبير جدا ان انت تحمي نفسك لكن في نفس الوقت عايز اسالك سؤال هو انت دلوقتي مش مخترق يعني يا راجل انت لو قلت اي كلمه بس جنب الموبايل هتلاقي كم كبير جدا من الاعلانات فانت متراقب بشكل او باخر وطول الوقت احنا عمالين بندور على طريقه نحمي بيها نفسنا و بياناتنا على مدار التاريخ يعني محاوله الانسان السيطره على بيانات انسان ثاني او معلوماته من خلال التجسس ده شيء طبيعي ودلوقتي احنا بنتعايش مع الصراع ده لانه مش بينتهي هيتغير شكله صحيح ولكنه مستمر
فانت لازم تدور ازاي تحمي نفسك على كل حال خليك حظر على قد ماتقدر الحجر كويس جدا من اي تقنيه جديده لسه متعرفش عنها حاجه بس في نفس الوقت ما تقلبش الموضوع الى نظريات المؤامره وهيصطروا علينا ومش عارف هيدبحونا وتموت نفسك في الخوف
لا الموضوع ابسط من كده بكثير جدا و دي وجهه نظري اللي ممكن اتناقش فيها انا وانت يعني دي وجهه نظري ما تقلبش الموضوع لنظريات مؤامره وتدي الموضوع اكبر من حجمه
في النهايه يا سيدي اللي عايز اقولولك ان لو حصل فعلا وظهرت التقنيه دي للنور بشكل تجاري على البني ادمين في احنا كده هنكون دخلنا في ثوره صناعيه جديده جدا هتغير كل حاجه بعدها شركات عالميه النهارده كنا متخيلين انها اقوى من انها تختفى هتصبح دلوقت بتواجه اقوى امتحان هل فعلا تواجه التطور ده وتمشي معه ولا التطور هيدوس عليها ويكون اكبر من ادراكهم فينتهوا زي مانتها الناس اللي قبلهم بس كده يا سيدي دي كانت حكايه النهارده حكايه شريحه إيلون ماسك Elon Musk وشركة نيورالينك Neuralink
إرسال تعليق