تعال النهارده بقي احكي لك عن حاجه كده الحاجه دي بتكسب شركة آبل appleمن فورت نايت Fortnite و ايبك قيمز Epic Games مليارات كثيره جدا من الهوا من الهوا حرفيا
عارف انت المتجر بتاع شركة آبل apple الابستور App Store اه الابستور ده بالنسبه لشركة آبل apple يعتبر مغاره علي بابا اللي بتعمل لهم مليارات كثيره جدا يعني ايرادات سنويه تتجاوز 50 مليار دولار رقم مهول صح اللي يعجبك اكثر من كدا ان الرقم ده بيزيد سنويا بنسبه كبيره يعني خلال ثلاث اربع سنين مين دلوقتي انا مش هستغرب بصراحه لو لقيت ان الابل ستور بيعمل ايرادات تتجاوز ال 100 مليار دولار
وهنا انا عايزك يعني تشوف الموضوع من منظور تاني سيبك انت من اعمال شركة آبل apple من الايفون للايباد للاي ماك كل الهري ده اللي هي بتعمله في مكان والايرادات اللي بتيجي من ابل ستور App Store دي حاجه ثانيه خالص هتسالنى دلوقتي وتقولي ايه ؟؟؟ للدرجه دي التطبيقات بتاعه ابل اللي موجوده على المتجر بتاعها بتعمل كل الفلوس الكثير دي هنا اقول لك لا خالص يعني شركة آبل apple التطبيقات بتاعتها اللي هي تمتلكها مبتعملش جزء من جزء من الارقام دي كلها
شركه ابل تقريبا بتمتلك 30% من كل التطبيقات
لكن لك ان تتخيل ان شركه ابل تقريبا بتمتلك 30% من كل التطبيقات اللي موجوده على المتجر بتاعها يعني حضرتك تتعب وتفكر في فكره جديده وتعمل تطبيق وتيجي شركة آبل apple تاخذ منك 30% على الجاهز من ايراداته سوا بقى كان التطبيق ده انت عملته بتبيع خدمه مره واحده او لو كان باشتركات شهريه هي برده بتاخذ منك 30% ولو مش عاجبك ما تروحش عندهم
بس هيعجبك كدا في الاول وانت لسه صغير ومحتاج ان انت تنتشر لكن اول لما تبدا تعمل ايرادات كبيره هتبدا تبص لنسبه شركه ابل وتشوف 30% على الجاهز كده شركة آبل apple تاخدها الموضوع هيبقى صعب جدا جدا عليك هنا هتبدا تشتكي وتصرخ وتطلع على السوشيال ميديا ومفيش حد هيسمعك او مش هتلاقي اللي انت متوقعه وهو ده بقى حال شركات كثير جدا مع شركة آبل apple وعلى راس الشركات دي دلوقتي شركه ايبك قيمز Epic Games الشركه المالكه للعبه فورت نايت Fortnite وحاليا شكلها دخلت في حيطه سد مع شركة آبل apple حاليا
فورت نايت Fortnite وشركة آبل apple
السلام عليكم واهلا بكم في مقالة جديدة النهارده ان شاء الله هنتكلم عن الخناقه اللي حصلت ما بين ايبك قيمز Epic Games الشركه المالكه للعبه فورت نايت Fortnite وشركة آبل apple ايه اصل الخناقه ما بينهم الحكايه بدات ازاي مين موقفه اقوى مين اتصرف ازاي وامتى وليه كل الكلام ده محتاجين ان احنا نفهموا
هنعرف برده في بدايه المقالة ازاي تكون او ازاي بدا المتجر بتاع شركة آبل apple وليه ستيف جوبز Steve Jobs مكنش موافق ان هو يعمل المتجر ده زمان وفي النهايه ان شاء الله هندردش مع بعض في نظره خاصه للموضوع ده من زاويه مختلفه جائز يعني الزاويه دي تكون قريبه او جايز لا عادي جدا
قبل ما نبدا كده الكلام عن الخناقه دي وتفاصيلها خليني بس سريعا جدا احكيلك عن متجر ابل ستور App Store وبدايته مع شركه ابل علشان تبدا تفهم ابعاد الخناقه كلها بدات ازاي
طرح فكره السماح لطرف ثالث بتطوير التطبيقات
شوف ياسيدي زمان كده من 12، 13 سنه في 2007 لما كان ستيف جوبز Steve Jobs لسه ماسك شركة آبل apple في الوقت ده تم طرح فكره السماح لطرف ثالث او ناس من بره شركه ابل انهم يعمله تطبيقات او العاب مثلا وينزلوها على النظام اي.او.اس iOS بتاع شركة آبل apple هنا ستيف جوبز Steve Jobs قال استحاله نعمل حاجه زي كده والا اللي هنضحي بميزه الامان اللي بنمتلكها الشركه هنا اتقسمت 2 نصف مع ستيف جوبز ونصف مع متجر التطبيقات هنا شوفنا ستيف جوبز فضل متمسك برأيوا وشايف ان اللي عايز يعمل اي حاجه يعملها بره على المتصفح بتاع سفاري والمستخدم لو حابب ان هو يدخل على التطبيقات دي او المواقع دي هيقدر ان هو يعمل حفظ مثلا للموقع ده وهيلاقيه هيتكون بره شبه التطبيقات بس الايقونه دي بدخله على الانترنت على متصفح سفاري وادينا حلينا المشكله من غير ما ندخل حد وسطينا
لكن كان واضح جدا شركة آبل apple ان المطورين الحاضرين في المؤتمر ده مكنوش متحمسين للكلام اللي قالوا ستيف جوبز Steve Jobs بس بعد كده مع كثر المناقشات بقى داخل شركة آبل apple ساعتها لقينا ستيف جوبز Steve Jobs في النهايه يقتنع بفتح المجال للمطورين اللي من خارج الشركه للمشاركه في تطبيقاتهم وساعتها شفنا شركه ابل عملت لهم الادوات اللازمه لتطوير الادوات بتاعتهم وبعد خمس ست شهور اصبح عندهم 500 تطبيق فكان لازم يكون فيه مكان يجمع كل التطبيقات دي مع بعضها في شوفنا اطلاق متجر ابل اللي احنا نعرفوا في وقتنا الحالي كان سنه 2008 بعد كده شوفنا بقى متجر جوجل وباقي المتاجر الثانيه
الشروط الماديه لتطبق الابستور
طبعا الدنيا عند شركه ابل مش سايبه وعلشان ستيف جوبز Steve Jobs يسمح بحاجه زي كده فكان لازم يكون فيه شروط كثيره والشروط الماديه منها بس ان المطور بيدفع تقريبا 100 دولار سنويا في اشتراك وبعد كده شركة آبل apple بتاخذ من التطبيق او من ايرادات التطبيق ده 30% انت متخيل انا لما اقعد اتخيل موضوع ال 30% شركه ابل بتاخد 30%
مطالب لعبة فورت نايت Fortnite
وهوب لقينا الخناقه اللي كانت في الشهر اللي فات بقى يا سيدي نلاقي الرئيس التنفيذي لشركه ايبك قيمز Epic Games الشركه المالكه للعبة فورت نايت Fortnite يبعث خطاب لشركة آبل apple ويقولهم بصوا يا جماعه احنا عندنا شويه مطالب كده والمطالب دي لازم تتحقق اول حاجه بسم الله الرحمن الرحيم احنا هنعمل وسيله دفع جوه اللعبه بتاعتنا غير الوسيله بتاعتكم وهتكون ارخص ومعلش بقى احنا مش هندفع 30 في المئه بتاعتكم
وثاني حاجه يعني احنا هيكون لينا متجر على نظام ال اي.او.اس Ios بتاعكم وهي دي المطالب بتاعتنا ولازم تتحقق النهارده وبص يابا انا مش هادفع الكلام اللي انتم بتقولوا عليه ده
وبعثله فعلا ايميل رسمي بالكلام ده وثاني يوم كانوا منزلين خيار دفعه خاص بهم في اللعبه بتاعتهم وده كان ارخص 20 في المئه مثلا عن الخيار بتاع شركة آبل apple فحاجه زي كده المستخدمين كانوا مبسوطين جدا بيها حاجه حلوه يعني شركه ابل اول لما شافت الكلام ده اتجننت ساعتها اللي هو يعني انت اتجننت احنا اللي عملناكم احنا اللي شغلناكم احنا اللي كنا بنطلعكم معنا في المؤتمرات بتاعتنا وبندعمكم كده تيجي تعمل في انا كل الكلام ده طيب اوكي يلا بقى انت واللعبة بتاعتك من المتجر بتاعي
فورت نايتFortnite و السوشيال ميديا
هنا بقى نلاقي الجماعه بتوع فورت نايت Fortnite يجروا على السوشيال ميديا و يا اخواننا الحقونا السفاحين قضوا علينا وشالونا من المتجر بتاعهم شالونا لما حاولنا ان احنا ننزل من عليكم من 20 في المئه من المدفوعات بتاعتكم في قلب اللعبه علشان تلعبوها كويس وبدأوا بقى انهم يعملو هاشتاج فورت نايت Fortnite والدنيا اتقلبت على تويتر و بقيه السوشيال ميديا
هنا بصراحه انا وانت وكل اولياء الامور اللي بيتابعوا الموضوع ده احنا واقفين نتفرج اللي هو طب يا جماعه صلوا على النبي استهدى بالله مفيش ، شركة آبل apple راكبه دماغها وفورت نايت Fortnite حالفة متدفع ولا مليم لشركة آبل apple هل تكتفي بقى شركه فورت نايت Fortnite بالي هي عملته ابدا ثاني يوم على طول تروح مطالعه الفيديو اللي قدامك ده
الفيديو ده يا جماعه بيرسم صوره احتكاريه بحته لشركه ابل وللعلم هي هي نفس الفكره او نفس الفيديو اللي شركة آبل apple استخدمته في الثمانينيات امام احتكار شركه اي بي ام IBM
رد فعل ابل
ابل بقى لما شافت الكلام ده كله بدات الامور تكبر مبينهم اكثر ما فيش اسبوع 10 ايام نلاقي ابل تعمل حذف لحساب المطورين الخاص بك شركه ايبك قيمز Epic Games وكمان هتتعاقب لمده سنه بدون الحساب ده الحساب ده شكرا ودي كانت المصيبه الكبيره جدا على الشركه
ليه؟ لان انت بالشكل ده مش هتقدر ان انت تقدم اي تحديثات جديده للعبه بتاعتك لمستخدمين الايفون نظام اي.او.اس iOS و حتى فورت نايت Fortnite لما فكرت انها تعمل حساب جديد حساب مطور جديد شركة آبل apple رفضت انت اخذت يا معلم حظر سنه فاعتقد ان اللعبه دي كده شكرا لمده سنه مالم مالم ان اللعبه دي تاخذ حكم قضائي يرجع لها الحساب فقط مش يرجعلها اللعبه دي حكاية ثانية خالص
رفع قضية احتكار على ابل
تفتكر بقى ان ايبك قيمز Epic Games و لعبه فورت نايت تسكت ابدا ثاني يوم على طول بعد الفيديو برده على طول لقينا فريق بقى كبير من المحامين كل ده كان متجهز والفريق ده كان مجهز دعوه قضائيه على شركة آبل apple والدعوه دي بسبب الاحتكار وبيني وبينك قضايا الاحتكار دي في امريكا لو ثبتت فعلا بتجيب من الاخر وبتقضي على الشركه وشوفنا اكثر من مثال على الموضوع ده
المهم يعني الى حد ما لما تيجي تشوف امور شركه ابل في الحوار ده هتلاقيها لحد ما سليمه لان نسبه 30% دي موجوده من ساعه انشاء ابل ستور App Store وثابت من ساعتها مفيش اي تغيير والكل كان ماضي وموافق ومستريح ومبسوط بالنسبه دي وده كان موقف شركه ايبك قيمز Epic Games لما بدات تدخل نظام اي.او.اس iOS كانت موافقة على النسبه دي لكن لما الايرادات بقى بدات تزيد بالطريقه الجنونيه دي ساعتها بداوا انهم يتخانقوا على النسب
ارباح لعبة فورت نايت Fortnite
وقبل ما تسال على النسب والارقام خليني كده بشكل سريع جدا اوضح لك الارقام ده علشان تعرف هم بيتخانقوا على ايه بالضبط شوف يا سيدي لعبه فورت نايت Fortnite اتعملت تقريبا في اواخر 2017 يعني تحديدا عمرها 38 شهر ال38 شهر دول وصل عدد المستخدمين للعبه دي 350 مليون مستخدم منهم 130 مليون مستخدم بيستخدم الايفون او على نظام اي.او.اس iOS المستخدمين بتوع اي.او.اس iOS دول اشتروا كده في اللعبه دي بما يعادل 1.2 مليار دولار او مليار و200 مليون حق شركة آبل apple فيهم 360 مليون دولار و كل الارقام دي حصلت في 38 شهر
الواضح حاليا ان المستقبل لمجال الالعاب ده جامد جدا يعني على حسب الاحصائيات فهتلاقي حجم مجال الالعاب ده بيتضاعف كل خمس او سبع سنوات وده معدل كبير جدا ولذلك كان لازم على شركه ايبك قيمز Epic Games ولعبة فورت نايت Fortnite اللي هم يوقفوا دلوقتي ويحلوا بقى موضوع ال 30% لان ال 30% دلوقتي بيساوي 360 فممكن خلال عشر سنوات يساوي المليار او اكثر واي شركه عايزه تعظم الايرادات بتاعتها والارباح بتاعتها
حجم شركة آبل في مجال الالعاب الاكترونية
وبرده يعني حاجه توريك حجم شركة آبل apple في المجال ده دلوقت لما تيجي تبص على مين اكبر اربع او خمس شركات في مجال الفيديو جيم بيحقوقوا ايرادات هتلاقي ان شركة آبل apple رقم ثلاثه او اربعه مثلا على الرغم ان هي اصلا في الاساس مش شاركه مختصه في مجال الفيديو جيم
ابل وامزون
وبرده معلومه على جنب كده لازم تكون عارفها ان موضوع القاعده 30 في المئه ساعات ابل مش بتطبق على كل الشركات يعني عندك مثلا شركه امازون وخدمه تاجير الفيديوهات والافلام بتاعتها دي يعني بتخلي المستخدم جوه التطبيق على نظام اي.او.اس iOS يدفع مباشره على امازون وملوش اي علاقه خالص بشركه ابل، ابل مش بتاخذ منهم اي نسبه
هو ده اللي لعبه فورت نايت كانت عايزه تعمله او بتحاول انهي توصل له ان يكون فيه اتفاق ما بين الشركتين يعني احنا كبار مع بعض بس الواضح الشركات الكبيره بجد بس اللي بتقدر تفرض شروطها ويكون فيه سفقات متبادله بين شركتين لكن شركه ايبك قيمز Epic Games و فورت نايت Fortnite بالحجم صغيره جدا يعني هتلاقي حجمها 17 او 18 مليار دولار لكن بتكلم مثلا عنا شركة آبل apple اللي هي 2,000,000,000,000 او تجوزت الاثنين تيليون وبرده امازون برده وصلت للمراحل الكبيره المخيفه دي الاثنين عادي يعني يعملوا الصفقات ما لكش انت دعوه
ولما باقول ان شركه ايبك قيمز Epic Games صغيره جدا فهو مش تقليلا من احد خالص لكن برده هم حاولوا انهم يعملوا نفس الصفقه دي مع شركه جوجل لكن جوجل برده عملت نفس اللي عملته شركه ابل وحذفت لعبه فورت نايت من متجر جوجل لكن مستخدمي الاندرويد مش هياثر الموضوع ده قوي لان عندهم طرق كثير جدا رسمية برده يحمل بيها اللعبه دي بعيدا عن جوجل بلاي لكن اللي لبس حرفيا في الموضوع ده كله هم مستخدمي التفاحه اللي حرفيا مش عارفين يعملوا اي حاجه اخر التقارير اللي طالعه بتقول ان مستخدمين لعبة فورت نايت Fortnite على الايفون نزلت 60%
والواضح بجد دلوقت ان اللي عملته شركه ايبك قيمز Epic Games او لعبه فورت نايت Fortnite جاء عليها هي اكثر باثر عكسي والتاثير كان كبير جدا عليهم
علاقة الصين بلعبة فورت نايت Fortnite
لما بقعد افكر بقى شويه في الموضوع ده كله بلاقي ان الفكره كلها غريبه غريبه جدا يا جماعه يعني ممكن تقول ان شركه ايبك قيمز Epic Games بتلعب لعبه خطر جدا ياما تنجح فيها فتكسب مكاسب حلوه يا ام هتلبس بوشها في حيطه سد وهو ده اللي بيحصل حاليا بس برده يعني لو ركزت شويه هتلاقي ان شركه ايبك قيمز Epic Games كانت مرتبه لكل حاجه و كان رد فعلها سريع جدا هو متجهز اصلا يعني شركة آبل apple شالت اللعبه ثاني يوم فورت نايت Fortnite رفعت قضيه وبرده فيديو التشهير وهوبا الهاشتاج لاستغلال القاعده الجماهيريه على السوشيال ميديا على طول لقينا فورت نايت Fortnite بتتكلم عن ممارسات ابل الاحتكاريه وبيشرح ازاى تقف قدامهم
فالسؤال هنا لشركه ايبك قيمز Epic Games انتم قصدكم تخرجوا بره المنصات دي بره منصه جوجل وبره منصه ابل صح؟ انت عايز فعلا توصل للنقطه دى بس ده انتحار انت كده فعلا بتقتل نفسك ولا انت عندك بديل ثاني؟ الواضح ان انت عندك خطه ثانيه او منصه ثانيه او عاوز تجبر المستخدمين بتوعك انهم يستخدموا منصات معينه او هواتف معينه مثلا! زي الهواتف الصينيه هواوي وشاومي واوبو بالعلامات دي كلها
انت هنا هتقول لي لا لا لا بعيده جدا ان انت تربط ما بين شركه ايبك قيمز Epic Games والشركات الصينيه وان ايبك قيمز Epic Games بتعمل كل ده علشان خاطر الشركات الصينيه هاقول لك صح الربطه فعلا بعيده جدا بس حاول تفكر معايا كده بصوت عالي شويه وتجاوبني على السؤال ده هو مين اكبر مالك لشركه ايبك قيمز Epic Games الملكه ل فورت نايت Fortnite؟
لو قعدت تدور هتلاقيها شركه تينست الصينيه Tencent Holdings Limited, 腾讯控股有限公 بنسبه تتجاوز 40% دي نسبه كبيره جدا جدا وكان لهم يعني دور كبير جدا في تطوير الشركه دي وليه بقى انا وجهت كلامي للاتجاه ده او المنحنى ده لان خلي بالك دلوقت شركه تينسنت الصينيه جاء عليها الدور في الحرب التجاريه ما بين امريكا والصين فالكلام دلوقتي عن استهداف امريكا لتطبيق وي شات WeChat وحظره كمان زي باقي التطبيقات بس للي ميعرفش ان ده هو العمود الفقري لشركه تينسنت او بمعنى اصح هو ده اساس كل حاجه عند الصينيين دلوقتي حرفيا الصينين مش بيعملوا اي حاجه بدون التطبيق ده
الله اعلم يعني ممكن دي تكون ورقة الضغط لانجاح المنتجات الصينيه كلها على بعضها مش عارف بصراحه مش عارف هي كده جاءت في دماغي فقلت ان انا افكر فيها معكم بصوت عالي شويه بس فكر انت كده هتلاقي ان اغلب الالعاب الكبيره المشهوره اما تمتلكها شركات صينيه او بتستحوذ على جزء كويس منها شركات صينيه فكر في التطبيقات الكبيره المشهوره اللي بتتهاجم حاليا هتلاقيها تطبيقات صينيه فكر في الموبايلات الاكثر مبيعا عالميا الي بتتهاجم حاليا هتلاقيها صينيه
فممكن ممكن كل ما هو صيني اصبح بيتحد مع بعضه علشان يقوي بعضه ويعني السناريو الاخير ده بتاعي انا انا عارف ان هو خالي حبتين ثلاثه بس فكره وجاءت في دماغي ولو انت شايف او عندك نظره مختلفه فاتمنى انك تشاركني بها تحت في التعليقات وبس كده يا سيدي دي كانت حكايه النهارده حكايه الخناقه اللي حصلت ما بين لعبة فورت نايت Fortnite وشركة آبل apple
إرسال تعليق